Adobe Premiere Pro CC 2018 v12 1 + Crack
Coraline FRENCH HDlight 1080p 2009
Thread: Sarfarosh (Hindi)
View Single Post
  #5028  
Old 22nd February 2017
xxxdev's Avatar
I Love Mother Nature!
Visit my website
 
Join Date: 6th June 2009
Location: India
Posts: 37,471
Rep Power: 159 Points: 121343
xxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps database
Update 197

Update 197

aaj Anay ka man kaabu me nahi rah paa raha tha. Wo aaj flirtbaazi se aage badh jaana chahta tha.
Par Anay itna bhi bewkoof nahi tha jo Aparijita ke saath ki gayi halki flirtbaazi ko uska haa samajh leta. Usne sun rakha tha ki Aparijita ne kaise-kaise apraadhiyo ki naak ragarwa di hai; eise me wo eisi koi harkat nahi karna chahta tha jiske kaaran Aparijita us par kisi bifari sherni ki tarah tut pare. Par beimaan dil maan nahi raha tha.
"Haan, mai maanti hoon ki ek subah uthne par maine khud ke roop me chamatkari parivartan paaya. Raato-raat hone waala parivartan to kisi daievi ghatna ke kaaran hi ho sakta hai. Mujhe bhi yeh pratimaaye waapas laane ke upharswarup devi ka prasad hi lagta hai!" Aparijita ne thora sanjidgi bhare swar me kaha.
Aparijita ne jis tarah saafgoi se Anay ki baat maani thi, yeh Anay ne andaza bhi nahi lagaya tha. Devi ka jikra sunate hi uske andar uth raha hawas ka tuffan yu baith gaya, maano ubal aaye doodh me kisi ne dhandhe pani ke chhete maar diye ho.


Ab Aage

"Madam, mai zara paudho ko dekhne jaa raha tha. Waha ab baad me jaayunga. Aaie garden me baith kar baaten karte hain!" Anay ke awaaz me sanjidgi aa gayi thi.


"Nahi, hum chalte-chalte bhi baat kar sakte hain!"


Aparijita ke kahne par phir se quarter ki or badh rahe Anay ke kadam ruk gaye.


Dono boundary se ghire research center ki or badh chale.


"Madam, aaj itne dino baad achanak!"


"Mai aapse hui antim mulakat ke baad eise kaam me phasi ki thana aur quarter ke bahar jayda kanhi nikal nahi paai. Mujhe sahar ke sorgul se dur prakirti ki iss sundarta ko dekhna aur iss shaant vaatavaran me samay bitana bahut bhaata hai; par uske liye waqt hi nahi nikal paa raha tha. Bahut dino baad aaj thane me thora manage karke waqt nikala hai. Ghumte-ghumte yaha tak aa pahuchi to socha ki aapse bhi milti chalu."


Aparijita ne muskurate huye kaha. Anay bhi Aparijita ki baat par muskura para. Chalte huye Aparijita ne apni kahani aage badhayi.


"Aap se milne par iss jungle ke paaye jaane waale paudho ke baare me jaanne ko mil jaata hai. Aaj bhi mere paas kuchh tasweere hain, unme kuchh naamalum khubsurat phulo ke paudhe aur jhaariya hain, to kuchh alag tarah ki mahak ke patto waale paudhe aur jhaariya hain. Inme kuchh phal ke per bhi hain jo dekhne me kaafi rasile lag rahe hain, par wo insaano ke khaane laayak hain bhi yaa nahi, pata nahi. Maine socha jab itni dur aa hi gayi hoon to aapse mulakat bhi ho jaayegi, aur inke baare me aapse jaankari bhi le loongi. Agar koi kaam ki jaankari nikali to use aapke awaaz me record bhi kar loongi." Aparijita ne apne milne ki ek eisi kahani sunayi jis par shaq nahi kiya jaa sakta tha.


"Madam, aaie !" Anay ne research kiye jaa rahe paudho ke hisse me jaane ke liye gate kholte huye kaha.


Aparaijita ke gate se andar aate hi Anay ne gate band kiya aur ek taraf ki or badh chala.


"Madam, mai zara paani khol du; phir baith kar baat karte hain. Tab tak aap waha baithye.
Waha shed me kai folding chair rakhe hain." Anay ek taraf isshara karte huye bola.


"Aapka assistent Rana kya kaam chhor gaya jo yeh kaam aap kar rahe hain."


"Eisa nahi hai. Jab aapse mulakat hui thi tab tak Rana sirf paani dene aur dusre chhote-mote kaam ke liye subah aaya karta tha, kyuki us samay lage paudho ko bahut limited paani ki zaroorat thi. Par in paudho ko dono waqt paani chahiye. Par abhi Rana ki patni kaafi bimaar hai aur upar se uske bachhe chhote hain; isliye maine hi use shaam ki duty se mana kar diya hai. Paudho ki katai aur dusre kaam wo subah kar hi jaata hai aur saam me sirf paani hi dena hota hai. Aur wo bhi ek central location par paani chhorne se aasani se ho jaata hai. Isliye maine use shaam ke kaam se kam se kam 15 dino ki chhuti de di hai."


"Rana khush-kismat hai ki use aap jaisa boss mila hai jo uska itna khayal rakhta hai." Aparijita Anay dwara batayi jagah par naa baith kar uske saath hi chal pari thi.


"Maine us ka thora khyal rakh kar koi us par bara ahsaan nahi kiya. Waise bhi har saam mai yaha aata hi tha. Abhi picchle mahine mai bimaar ho gaya tha; Rana yehi mere paas hafte bhar ruk kar meri dekh-bhaal karta raha. Wo raat me bhi mere paas hi rukta tha. Bas dopahar me apne ghar jaata tha. Ab eise bande ko bhi mai agar thori madad naa karu to mujhe insaan kahlaane ka haq nahi!"


Anay ne ek tej pressure waala nal khol diya; jo ek bare se haud me paani teji se bhar raha tha. Haud me pahle se bhi paani bhara tha. Iss haud se kai chhed upar ki taraf bane the jo alag-alag disao me jaane waali paani ko le jaane waali naaliyo se juri thi. Aparijita ne dekha ki haud me niche ki taraf bhi chhed bane hai; par wo plastic ke khaacho se band the. Inn plastic ke khaacho ko upar khichne ke liye bhi haud ke bahari dewaar ke bicho-bich me ek lever sa laga tha. Dekh kar lag raha tha ki use khchne par niche ke chhed ke mooh bhi khul jaate honge aur saara paani bah jaata hoga.


"Vaastav me yeh kamaal ka arrangement hai. Iss center location se har jagah paani pahuchaya jaa sakta hai!" Aparijita ne chhed ke level par haud ke paani ko aate hi teji se bahar nikalte dekhte huye dil se taarif karte huye kaha.


"Iske kaaran paani dene me lagne waala samay kaafi bach gaya hai. Jaha paani ko zaroorat nahi hai us raaste ko mitti se band kar diya jaata hai. Vaastav me yeh idea bhi Rana ka hi tha. Aapko yaad hoga ki jab aap pichhli baar aai thi tab yeh yaha nahi tha."


"Haan, tab yaha kuchh phulo ke paudhe lage the!"


"Baad me yaha eise paudho ko lagaya gaya jinhe dono waqt accha paani chahiye tha. Paani dene me Rana ko bahut time lag raha tha. Usi ne sujhaab diya ki jaise gaaun waale nadi se paani nikaal gaaun ke saare kheto me paani pahcuhaate hain waise hi agar hum kuchh vyasthith dhang se paani le jaane waali naalia iss pure area me bana de to har hisse me paani chala jaayega. Uske sujhaab par maine sochna suru kiya aur paani le jaane waali naaliyo ki chaurai aur gahraai ek central location dhhodhne ke baad iss tarah se design kiya ki kanhi bhi zaroorat se jayada paani naa zama ho jaaye. Phir maine HQ se sahayta lekar inhe taiyar karwaaya. Hafte bhar me hi humne iski chhoti-moti khaamia dur kar di. Innhe chala ke ab koi dusra kaam kiya jaa sakta hai aur koi bhi inhe chala ke saare hisso me paani pahucha sakta hai."


"Aapne bahut hi sahi tarika dhoondh nikala. Halaki idea Rana ne zaroor diya tha, par usko haqiqat me itne sahi tarike se amal me laana aasan nahi tha. Aapne zabardast kaam kiya hai. Isse aapko apne blog me jagah deni chahiye, jis dusre log bhi iska fayda utha sake!"


Aparijita ne Anay ki sacche dil se prasansa ki. Halaki idea Rana ka tha par use haqiqat banane ke liye Anay ne kaafi dimaag lagaya tha aur jis perfection ke yeh saara kaam hua tha wo bata raha tha ki Anay ne iss par kaafi mehnat ki thi. Aaj ke waqt me apne kisi adne se maathat ke liye eisa karta dikhna lagbhag ashambhav saa ho chala hai.


"Aaie madam, baithe aur aap ke jigyasa shaant karne ka prayash karta hoon !" Anay shed ki taraf badhta hua bola

===========================================================================

Anay aur Aparijita ek shed ke andar 2 folding kursio par baithe the. Kurisa waha mauzud ek chhoti kothri me rakhi hone ke wajah se saaf-suthri thi.


Anay Aparijita dwara li gayi snaps ke baare me bata raha tha. Halaki Aparijita ne main topic par aane se pahle isse baat-chit suru karne ke liye kaha tha, par ek baar iss par baat suru hone ke baad wo bare dhyan se Anay ki baato ko sun rahi thi.


Aparijita apne anubhav se jaanti thi ki jungle ke inn per-paudho me kai eise tatv mauzud hain jinse antiseptic ka kaam liya jaa sakta hai aur saath hi agar inhe sahi jaankari ke saath istemaal kiya jaaye to yeh kai bimaario me kaam aati hai. Yaha tak ki aak ke per jiske doodh se aankh kharab bhi ho sakta hai aur agar tarike se aak ko istemaal kiya jaaye to us se bahut laabh bhi liya jaa sakta hai.


Some information will share in next post


"Madam, yeh jo aap phal dekh rahi hain jo dekhne me kafi rasila aur paka hua sa lag raha hai. Ise dekhte hi ise khane ka jii chahta hai par yeh insaano ke khaane ke liye nahi hai. Ise agar chilke sahit khaya jaaya to ulti aur dast suru ho jaati hai. Haalaki khaane me yeh vaastav me swadist hota hai aur isme kaafi ras bhi hota hai. Iske viparit yeh bala phal jo dekhne me badsurat sa hai wo kaafi rasdaar hota hai, halaki yeh beswad hota hai par yeh sarir se paani ki kami ko dur karne waala hota hai. yeh .... "


Aparijita ne snaps utarne ke baad use album me categorize bhi kar diya tha. Anay ne pahle phal waala category se batana suru kiya tha. Jitna Anay dedication ke saath bata raha tha utne hi tallinta ke saath Aparijita sun aur record kar rahi thi. Aparijita sirf phal ke baare me jaan ke hi chup nahi rah rahi thi balki uska scientific naam bhi Anay se puchh rahi thi. Ek phal ke baare me batane ke baad se Anay khud hi uska scientific naam batata chal raha tha.


Anay baato ke bich uth ke gaya aur do thermocol ke cup me chai le aaya. Aparijita ke puchhne par usne bataya ki us kothri me usne electric kettle, tea bags, milk bags aur kuchh eise hi items rakh chhore hain jo wo aur Rana yaha 5-6 ghante rukne par istemaal karte hain. Anay ne kursia laate waqt hi chai banane ka prosess suru kar diya tha.


"Meri pichhli mulakat ke dauarn aapne bataya tha ki aap kuchh paudho par reasearch kar rahe the, wo kaha tak pahucha!" Aparijita apne matlab ki baat par aati hui boli.


"Yaha to bahut sara research chalta rahta hai, aap kis research ki baat kar rahi hain?"


"Hamari pichhli mulakat me aapne bataya tha ki aap kuchh eise khaas paudho par research kar rahe hain jo issi jungle ki mitti me upjaaye jaa sakte hain ya bahut clinically controlled area me. Un paudho me ek paudha bahut hi khaash the jinke patto se kai jatil rogo ke ilaaz ke liye dawa banaya jaa sakta hai, par uske patto ke ras me kaam-vaasna bharkane ka bhi avgun tha. Aapka prayash tha ki us se koi hybrid nasal ka paudha taiyar kiya jaaye jisme baaki gun to rahe magar kaam-vaasna bharkaane waala avgun nikal jaaye!" Aparijita ne bina ghumaye-phiraye sapast puchha.

Check update 55



Anay thora ghambhir ho gaya.


Aparijita gaur se Anay ke chehre ko dekh rahi thi. Uske tej dimaag me dekh liya ki Anay kuchh kasamkash me hai. Uske chehre par bhaav aa-jaa rahe the, halaki wo apne taur par pura prayash kar raha tha ki uske chehre ka bhaav Aparijita ke nazaro ke saamne naa aaye; par Anay jo chehre par bhaav aate hi turnat apne chehre par muskaan laa ke apne bhaav ko chhipane ki kosis kar raha tha, usme kaamyaab nahi ho paaya.


"Madam, us waale research me zara bhi kaamyabi nahi mili." Anay apni chuppi torte huye apne chehre par muskaan laate huye bata raha tha - "Maine research center ke baahar jungle me bhi unko leke kai experiment kiye jo naakamyaab hi raha. Magar .." Anay bolte-bolte chup ho gaya tha.


Aparijita ne Anay ko toka nahi balki dhairyapurvak uske bolne ka pratiksha karti rahi.


"Aapse milne se pahle hi research chal raha tha wo mai aapko bata chuka tha. Usi dauran research center ke bahar bhi maine jungle me kai jagah par alag-alag paudho ke saath us paudhe ka hybrid taiyar karne ki kosis ki thi." Anay phir se research ke baare me bata raha tha -" Usme se ek hybrid ka result jo aaya wo chaukane waala tha. Ek eise paudhe ka janam hua jiske phool ki jeevan avadhi kuchh ghanto ki hi hoti hai. Kamaal ki baat yehhai ki jaha dusre phool murjha ke gir jaate hain , wahi un naye paudhe ka phool kuchh ghante baad gal jaate hai. Bas phool ke andar ka guda waala bhaag jaise gende ke phool me hota hai, wahi bach jaata hai; aur wo bhi agle 2-3 ghante me gal jaata hai. Par us hybrid paudhe me ek bhi gun nahi aaya balki avgun aur bhi badh gaya !"


Anay ke swar me halki niraasa jhalak rahi thi. Aparijita uski mansthiti samajh rahi thi.


"Are eise kisi paudhe ke baare me maine aaj tak suna bhi nahi hai. Agar sambhav ho to mujhe bhi mujhe bhi iss ajube paudhe ka darsan karwaaye !" Aparijita ne utsukta bhare bhaav me kaha.


Aparijita ne comunication ka sabse basic rule ko apply kiya tha. Acche communication ka sabse basic rule hai ki aap dusre bande ki interest waali baat kare aur usme sachi intetest dikhaye. Aparijita ne yehi kiya tha.


Aparijita ke utsuktapurwak swar me sachhai jhalak rahi thi. Anay jo apne research ke fail hone se niraas sa tha, use Aparijita se saatwana milti si lag rahi thi ki uska research apne maksad me fail to hua magar usne ek ajuba sa paudha upjane me kaamyaabi paayi jo aage kai raaste saayad khole. Aparijita ne sachhi prasansa se Anay ko aage bolne ke liye protashit karke apne investigation ko aage badhne ka raasta bana liya tha.


"Madam, agar aap us paudhe ko dekhna chahe to aapko subah 8-9 baje tak aana parega. Mai sayad kal ke baad kai mahino ke liye yaha se chala jaau, abhi confirm nahi hai par mujhe taiyar rahne ko kaha gaya hai. Asal me ek international research project ke liye jis bande ko chuna gaya tha uske aankho me kuchh infection aa gaya hai. Aaj saam uske aankho se patti khulegi. Agar uske aankho me dikkat rahi to uske jagah mujhe jaana prega jiske liye mujhe har haal me saam tak niklna parega."


Anay pal bhar ko chup ho ke phir se bolne laga.


"Accha, hum us paudhe waali jagah ke baare me baat kar rahe the. Us jagah tak jaane waale raaste par bike ya cycle se nahi jaa sakte hain. Wo raasta jagah-jagah par kaafi phisalan waala hai. Rana aur maine jagah-jagah par lakri ke tukre gaar ke aur sukhe per aur baans ke pero ko zameen par gira ke jaane ka raasta banaya hua hai, nahi to waha tak jaane ke liye 15 km ghum ke ghane jungle se jaana parega. Hume 30-35 minute paidal jaana parega. Agar aap itna waqt nikal paayengi to kal subah hum jaa sakte hain."


"Mai zarur aayungi. Bhala eisa mauka kabhi chhora jaata hai. Jis paudhe ke baare me abhi tak ginti ke logo ko pata hai, use dekhne ke mauke ko bhala mai kaise miss kar sakti hoon. Achha uski kuchh aur baat to bataye!"


"Madam, kal chalenge to use dikhate huye detail me batayunga. Mujhe bhi samjhane me aur aapko samjhne me aasani hogi."


"Wo theek hai, phir bhi thora bahut to uske baare me bataye nahi to suspense me theek se neend nahi aayegi!"


"Achha kuchh baaten batata hoon, baaki uske saamne baatyunga. Cheej aankh ke saamne hone se samjhana aur samjhna aasan ho jaata hai."


Anay thore der us paudhe ke baare me batata raha. Aparijita ne baat Anay ke dusre research ki taraf mor di.

--------------------------------------------------------------------------------------------------------------------------

Saam 5 baje !


Aparijita apni uniform me apne cabin me baithi thi. Ghanshyam ne andar aane ke liye izzazt mangi.

will continue -->
______________________________
[My story] Sarfarosh
पोंछ कर अश्क़ अपनी आँखों से, मुस्कुराओ तो कोई बात बने ! सर झुकाने से कुछ नहीं होगा, सर उठाओ तो कोई बात बने !!
भेदभाव अपने दिल से, साफ़ कर सके| दोस्तों से भूल हो तो, माफ़ कर सकें|| हम को मन की शक्ति देना, मन विजय करें| दूसरों की जय से पहले, खुद को जय करें ||
खुसरो दरिया प्रेम का, उल्टी वा की धार। जो उतरा सो डूब गया, जो डूबा सो पार।। A drop of honey catches more flies than a gallon of gall. ~ Lincoln

Reply With Quote
Have you seen the announcement yet?
Page generated in 0.01624 seconds