Scandinavian Community
Once Upon a Time S07E16 720p HDTV x264-AVS[eztv] mkv
Thread: Sarfarosh (Hindi)
View Single Post
  #2106  
Old 24th December 2015
xxxdev's Avatar
I Love Mother Nature!
Visit my website
 
Join Date: 6th June 2009
Location: India
Posts: 37,471
Rep Power: 159 Points: 121343
xxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps database
Update 108

Ab tak aapne padha 2057
Ghanshyam jab Abbas ke factory se nikala tab tak uska dil uska naa rah kar paraya ho chuka tha.
Aparijita ne report sunate samay Ghanshyam ke chehre ko dekhte hi bhaanp liya tha ki uska dil ab Rekha Sharma ke paas hai. Usne Ghanshyam ko daily subah agle mahine tak Abbas ke factory se hote hue aane ko kaha. Ghanshyam ko iski koi wajah to samajh me nahi aai par wo daily Rekha se mil paayega, yeh soch kar uska dil kathhak karne laga.
==================================================================
Raat 10 baj chuke the.


Ab aage ...

Aparijita ke mana karne ke baawjud Gauri aur Ganga mausi ne Rohit aur uske liye khana bana ke le aai thi. Isliye aaj Rohit aur Aparijita khana banane se nizaad paa gaye the.


10.30 baje night shift ke staaf ke aate hi Rohit aur Aparijita thane se apne apne quarter ki or chal pare.


Aaj raat ki duty par Harilal, Kishore, Raj aur Amit the.
==================================================================

Aparijita ne apne picchle janam ki yatra se lautate hi soch liya tha ki wo uske liye khaash rakhi gayi kitaabo ke aalaba gufa me rakhi gayi baaki Tantra ki kitaabe bhi padhegi jinhe usne us raat scan karne ke baad Sarfarosh ke research center me bhijwa diya tha.


Aparijita ke badan par abhi bhi denim ki shirt aur pant thi jo usne thane se laut kar pahne the. Uska irrada sote waqt us se nijaad paa kar sone ka tha. Wo apne bedroom me bister me leti laptop par ek tantra ki kitaab padh rahi thi. Kamre me bister ke paas ka sirf ek nili rosni ka night bulb jal raha tha.


Padhte padhte Aparijita ne kab haath badha kar light off kiya aur kab uski aankh lag gayi yeh use khud bhi nahi pata chala.


Achanak hi use laga ki koi use jhanjhor kar utha raha hai.


Aparijita harbara kar uth baithi. Ghari me raat ke 4 baj rahe the.


Aparijita ne spast suna ki koi kah raha tha ,"Saavdhan ! Saavdhan ! Aakraman hone waala hai !"


Aparijita ne inn baato par gaur karne ke liye samay naa gava kar daur kar mobile jeb me rakhte hue apne jute pahne, aankho par night vision glass lagaya aur apni revolver aur dhher sara kaartos leke apne quarter se bahar nikali. Usne apne darwaaje ko taala laga kar 10 kadam aage badhya hi tha ki ek bahut jordaar dhamaka Aparijita ko apne quarter ke picche mahsoos hua.


Bahar chaand ki halki rosni thi. Chaaro quarters ke bich laagaye gaya ek maatr bijli ka bulb 2 din pahle hi fuse ho gaya tha jise Harilal kal badalwa doonga karke taale aa raha tha.


Aparijita ne awaaz se samajh liya ki yeh military special grenade ka dhamaka hai. Use Gopu ki fikra hui aur wo duar kar uske quarter ki taraf badhi hi thi ek aur dhamaka hua. Yeh nischhit ho gaya tha ki koi sirf uske quarter ko hi nissana bana ke hamala kar raha hai.


Tabhi Gopu ke quarter ka darwaaja khula.


Gopu sirf underwear pahne apne haath me pant-shirt aur jute liye hue nikala.


"Gopu jaldi se kapre pahan kar Rohit ke saath thane me hathiyaar lene aao. "

Aparijita thane ki or duari. Abhi wo thane ke gate par pahunchi hi thi ki thane se rifle leke bahar nikalte kishore, Raj aur Amit dikhayi diye. Abhi wo Aparijita ko dekh uske paas pahuche hi thi ek grenade thane ki chhat par aa gira aur us dhamake se paida hua malbe ka kuchh tukra uske paas tak pahuncha. Tabhi thane ki gate par rifle leke bahar ki or bhaagta Harilal dikhayi para. Aparijita ne use isshare se apni or bulaya.


"Madam didi, humlog andar baithe hi baat kar rahe the ki ek ke baad 2 lagataar dhamake hue. Dhamako ki awaaz se lag raha tha ki jaise wo hamare paas hi ho rahe ho. Itna tej dhamaka to pichhle encounter me bhi nahi suna tha. " Kishore haafta hua bata raha tha.


"Badmas, thane ke pichhe hain aur wahi se grenade phenk rahe hain. Jis behrahmi se wo grenade phenk rahe hain us se saaf lag raha hai ki unke paas asla ki kami nahi hai. Yaha hum 5 log hain. .. "


Tabhi daurte hue Rohit aur Gopu waha aaye.


Aparijita ne ek rifle Raj se leke Rohit ko dete hue Harilal se kaha.


"Aap issi waqt Gauri aur Ganga mausi ko quarter se nikal kar gaun me kisi ke yaha chhor ke aaiye. Apraadhiyo ka irrada yaha sabkuchh malbe me badlne ka lag raha hai. Rohit aapke saath unko thane se bahar tak chhor kar aayega. Aap wapas laut kar us jagah par chhup kar thane ke gate par nazar rakhenge aur agar koi bhi andar ghusne ki kosis kare to use goli maar dena. Hum log thane ke picche jaa rahe hain aur lautne se pahle hum bata denge. Maine Gauri ko phone karke taiyar rahne ko kah diya hai; aap jaldi kijye. Haan yeh dhyan rakhiyega ki aapke quarter ki light naa jale."


Harilal ke nikalte hi Aparijita daur kar thane me ghus gayi. Usi waqt lagatar 3 dhamake hue.


Gopu bagaira ka kaleja moonh ko ho aaya. Unhone dhamako ki rosni me dekha tha ki 2 grenade lagatar Aparijita ke quarter par gire the aur ek thane ke gate ke chhat par. Gopu Aparijita ka haal chaal dekhne ki thane ki or bhaagna chaha par baakio ne daur kar use pakr liya. Gopu andar jaane ke liye machal raha tha.


Tabhi thane ki saari lights ek saath band ho gayi. Ab sirf thane ke compound me ghusne ke raaste ke street lights jal rahi thi. Sabki aankho me nami aa gayi thi aur wo aas bhari nazaro se thane ke andar jaane waale gate ko dekh rahe the.


Tabhi unhe ek saaya nikalta dikhayi diya. Unki aankho ne phir aashu bahaye par wo iss baar khushi ke aashu the.


5 seconds me Aparijita unke paas aa khari hui. Uske kandhe se 4 rifle aur ek bag latak raha tha. Uske haatho me bhi ek AK 47 thi. Usne aate hi Gopu aur Raj ko 2 rifle de di.


Aparijita ne dekha thane ke compound me Rohit daurta hua ghush raha hai. Yeh dekhte hi Aparijita ne rifle do fire kiye aur street light ko ura diya.


Ek mote bargad ke per ke picche Aparijita apne saathiyo ko action plan bata rahi thi.


"Gopu aur Kishore tum dono yeh 1 extra rifle bhi apne paas rakho. Tum dono thora lamba ghera kaat ke thane ke picche baaye taraf se badhoge. Raj aur Rohit tum bhi ek extra rifle apne saath leka jaayuge aur daahine taraf se badhoge. Amit tum yehi Jaha Harilalji ki position bataya hai wahi chhupe rahoge aur Harilal ke saath mil kar thane ki or badhne waale kisi bhi bande ko ura doge. Iske aalba agar hum me se kisi ko bhi madad kio zaroorat pari to tumlog backup ke roop me waha jaayoge. Iss bag me maine pahle encounter ke chhupaye hathiyaaro se kartoos ke packets chhote-chhote kapre ke bags me rakhe hain, jinhe tum log le lo. Isme itna kaartoos hai ki hum inse subah tum mukabla kar sakte hain. Iske aalaba sabke liye 15-15 hume department se me mile katoosh alag se hain. Jinhe bich bich me aapko istemaal karna hai. Sabke liye torch bhi hain jinhe aap apne kandhe se lataka lo par bahoot zaroori hone par hi istemaal karna nahi to torch ki light se position samajh kar apraadhi aapka kaam tamam kar dega. "


Aparijita ki baat khatam hote hi jaldi se sabne rifle load ki aur kaatoso ke packets aur torch sahit chhote bag apne kandhe par taang liya. Tab tak Aparijita ne ek tahni uthayi aur dhool par torch ki rosni me ek rough naksa banate hue apni baat aage badhayi.


"Dekho, dhamako aur thane ke picche ki bhaugolik sthithi se parichit hone ke karan mujhe apraadhiyo ki position eisi-eisi lag rahi hai. Gopu aur Kishore yaha se badhte hue hamala karenge aur Raj aur Rohit ki position yeha hogi. Main waha par hoongi. Saare log conference call open kar lo aur nikal paro. Kanhi bhi apradhi dikhe to sidhe goli maaro. Koi surrender-warrender ke baare me baat karke unhe hamla karne ka muka nahi dega. Hamari madad ke liye agar Amit ya Harilal ko agar aana para to wo inn do raaste se aayenge jinka humko dhyan rakhna hai. .. ..."


Abhi Aparijita ne baat khatam hi ki thi phir 2 grenade Aparijita ki quarter ki or aaye. In dhamako ne quarter ka saamne ki chhat ko ura diya tha.


Aparijita AK 47 liye Harilal ki quarter ki or bhaagi. Agle hi pal Harilal ke quarter ke piche ke ek per par wo chadh rahi thi.


3 minutes me hi Aparijita ek per se dusre per se hote hue bagair zameen par aaye thane ke picche pahunch chuki thi.


Aparijita dhhere se per se utari aur apne aur Gopu ki quarter ke picche ki 15 feet uchi boundry waal ke aas-paas sthit pero ko dekhne lagi. Jald hi night vision glaas ki madad se usne ek eise bande ko dekha jiske yaha hone ki koi sambhavna nahi thi. Uske haath me M 16 aur peeth par ek bag dikh raha tha jo fauzi jung ke dauran istemaal karte the.


Wo Jagga tha jiske baare me report thi ki wo Allahabad me hai. Jab tak Aparijita use apna nissana banati wo ek per ke picche pahunch gaya. Tabhi use 3 log aur us per ki taraf badhte dikhe. Idhar abhi Aparijita ke paas M 16 ki golio ko rokne ke liye koi saktisaali oat nahi tha. Aparijita ne idhar-udhar nazare ghumai to use jhaariyo ka silsila sa dikh para jinke aas-paas kai peepal ke per bhi the.


M 16


Aparijita zameen par rengti hui ek per ke picche jaa chhupi. Aparijita ne saamne dekha to use 3 log aur aate hue dikh pare. Ab Jagga ko mila kar 7 log ho gaye the. Ek saath wo sabko nahi sambhaal sakti thi aur aaj uska irrada kisi bhi haalat me Jagga ko zinda chhorne ka nahi tha. Jagga ka dusahash ko dekh kar wo hairan thi. Jagga agar jivit bach jaata to phir wo uske liye musibat banke aa sakta tha.


Aparijita ne apne saathiyo ko apraadhiyo ki sankhya ke baare me bataya.



"Ek baat ka dhyan rakhna ki goli chalate hi apni position badal dena hai. Unke paas M 16 assault rifles hai jo ek minute me 700950 round fire karti hain. Isliye 1 second ki chuk se hi darjano goliya us bande ko chum rahi hogi. Apraadhiyo ka raasta boundry waal ne ek taraf se rok rakha hai aur baaki teen taraf se hum unhe nikalne nahi denge. Kisi bhi halat me hum unhe bhaagne nahi denge. Jab tak mera issara naa ho tab tak koi goli nahi chalayega. Tumlogo ki position eise-eise hogi ... "


Aparijita ka nirdesh milte hi chaaro teji se lagbhag daurte hue bataye gaye jagah par position lene chal pare. Sabke chehre par gussa dikh raha tha. Thane par hamla karne waale apraadhi pure Sonbhadra zila me kabhi suna nahi gaya tha. Agar Aparijita waqt par quarter se nikal nahi gayi hoti to wo malbe me dabi milti. Yeh soch kar un sabka khoon aur khaul raha tha

.
Aparijita ne apna dhyan Jagga aur uske saathiyo ke hilate honth par laga kar unki lip-reading karne lagi.


"Boss, rifle se 2 fire hue aur uske baad se udhar se ek bhi fire nahi hua. Inspectarni to apne quarter me mari pari hogi. Maine tumlogo ke aane se pahle raat 10 baje se thane ke saamne ki jhaariyo me chhipe inspectarni ke quarter par nazar rakhe tha. Raat 10.30 baje ke baad se wo andar hi thi. Ab laut chale ! Inspectarni aur uske parosi constable ka quarter to khandahar ban chuka hoga. "


"Nahi, mera badala itni aasani se pura nahi hoga. Ab hum thane se ghushenge aur jo bhi policewaala mil gaya to use maar daalenge. Aaj ke baad se police waale Jagga ke naam se pant me hag denge. Tahar ! 2 bomb aur maar us haramzaadi Inspectarni ke quarter par."


Jagga ke issare par do apraadhi aage badhe aur puri taakat se ek ke baad ek dono grenade Aparijita ke quarter ki or uchhal diya. Aparijita ne dekha ki ek grenade theek uske bedroom ki chhat par gira aur wahi dusre ne Gopu ki chhat ura di thi.


Jagga apne saathiyo ko thane ke andar aur baaki 2 bache quarter par hamla karne ke liye chalne ko kah raha tha. Aparijita ne baichaini se Gopu aur Rohit ki team ke aane ke raaste ko dekha. Wo ek saath sabka nissana nahi le sakti thi.


Tabhi Aparijita ko Gopu aur Kishore bhaag ke aate dikh pare. Idhar Jagga ka gang bhi thane par hamla karne ke liye hathiyaaro ko taiyar kar raha tha.


Aparijita ne jaldi se Gopu aur Kishore ko alag-alag positions se do apraadhiyo ko apne nissane par lene ko kaha. Kishore picche rahne ke kaaran picche ke boundry waal ke sidh me hi chhup gaya jabki Gopu us se 15 feet aage ek per ki aar me chhupa hua tha.


Tabhi Aparijita ko Raj aur Rohit bhi aate dikh pare. Aparijita ne unhe jaldi se jagah batayi. Iss bich Jagga ke aage-picche uske gang ke log chalte hue Kishore ke taraf ke hisse se badhne lage. Jagga iss waqt kisi ke bhi sidhe nissane par nahi tha.


Aparijita ne kuchh pal wait kiya. Par ab wo aur wait nahi kar sakti thi. Aur wait karne se Jagga Kishore aur Gopu ke itne nazdeek pahunch jaata ki unke paas bachne ki gunjaaish hi khatam ho jaati.


Idhar Gopu, Kishore, Raj aur Rohit ki ungliya apne taarget par nisaana lagaye baichani se Aparijita ki order ka wait kar rahi thi.


Aparijita ne Jagga ke paas chal rahe apraadhi ko apne nissane par liya. Aparijita ka irrada us apradhi ke girte hi burst fire karke Jagga aur dusre apraadhi ko maar girane ka tha.


"Mere 5 ginte hi sab ek saath goli chala ke position badal lenge. Sabko clear hai !"


"Ok, madamji !" Gopu ki awaaz aai.


"Ok madam didi !" Baakio ki bhi awaaz aai.


"1 "


" "


"2 "


" "


Aparijita ke 3 bolne se pahle hi utejjna me Raj ne fire kar diya. Rifle ke awaaz ke saath hi Jagga ke picche chal raha ek banda niche gira tarapne laga. Jagga ne teji se apne saathiyo ko dhakel kar zameen par gira diya aur fire karne ko kahne laga.


Aparijita ke paas ab koi chara nahi bacha tha.


"Apne chune target par fire karo !" Aparijita ki jor se hunkara bharte hue kaha aur aage ki aur badh chali.


Raaj ke uttejna ne saari paristhithi badal di thi. Ab baaki apraadhi phail chuke the aur koi bhi apradhi kisi ke nissane par nahi tha.


Raat ka sannata police rifle, M 16 aur AK 47 ki fire se gunj se toot gaya.


Premnagar me grenade ke dhamako se hi jaag ho gayi thi par dar ke maare har koi apne ghar me dubka hua tha. Ab diwaali ki phatakho si chalti goliyo ne unhe aur khaufzada kar diya tha.


Aparijita ko apne saathiyo ki fikra sata rahi thi. Night vision glass se use wo apraadhi bhi dikh rahe the jo chaand ko rosni ke pero tak hi simat jaane se uske saathiyo ko nahi dikh rahe the.


Aparijita ne apraadhiyo ki position ko dekh kar teji se calculation kiya aur ek taraf singhni ki chalang lagate hue pahle hi round ke fire me 3 apraadhiyo ko maar giraya.


Par Jagga samet baaki 3 apraadhi per ki oat se teeno taraf goliya chala rahe the, isliye wo unhe nisaana nahi bana paayi.


Jagga aur uske saathi yeh soch kar hairan ho rahe the ki jiske marne ke baare me wo 100% nischit the wo naa kewal jiwit thi balki usne unke 3 saathiyo ko palak jhapte maar giraya tha.


"Us haramzadi par nisana ek saath lagao. Agar use jara sa bhi mauka mil gaya to yaha se hum me se koi bhi zinda nahi jaayega !"


Jagga ke aaknho ke saamne Aparijita ki picchli muthbher ki yaaden taaja ho gayi jab Aparijita ne sirf revolver ke bal par uske aur uske saathiyo ki AK 47 ko buri tarah sikkast diya tha aur aaj to Aparijita ke paas AK 47 tha.


Jagga ne jaldi se apne saathiyo ko bataya ki 2 bande hamesa Aparijita ki or fire karte rahenge taaki wo apne jagah se ek inch bhi nahi hil paaye aur ek banda daaye aur kabhi baaye fire karke udhar kaa raasta saaf karne ki kosi karega.


Jagga ne ek sequence bana diya tha jiske anusaar Jagga aur uske teeno saathi baari baari se Aparijita aur Aparijita ke saathiyo ki or fire karte hue unhe aage badhne se rok rakha tha.


Aparijita apne jagah se ek inch bhi hil nahi paa rahi thi. Idhar achank Kishore ka aar liya per jo goliyo se chhalani ho chuka tha charmara kar awaaz ke saath girne laga.


"Gopu aur Kishore waha se nikalo. " Aparijita ne Gopu se chilla kar kaha jise sunate hi Gopu teji se pahle bataye plan ke mutabik picche ki or bhaag khara hua. Jabki Kishore ne jab per ki or dekha to baukhala kar wahi khara rah gaya.
will continue -->
______________________________
[My story] Sarfarosh
पोंछ कर अश्क़ अपनी आँखों से, मुस्कुराओ तो कोई बात बने ! सर झुकाने से कुछ नहीं होगा, सर उठाओ तो कोई बात बने !!
भेदभाव अपने दिल से, साफ़ कर सके| दोस्तों से भूल हो तो, माफ़ कर सकें|| हम को मन की शक्ति देना, मन विजय करें| दूसरों की जय से पहले, खुद को जय करें ||
खुसरो दरिया प्रेम का, उल्टी वा की धार। जो उतरा सो डूब गया, जो डूबा सो पार।। A drop of honey catches more flies than a gallon of gall. ~ Lincoln

Reply With Quote
Have you seen the announcement yet?
Page generated in 0.01646 seconds