Reality-T
血观音 The Bold the Corrupt and the Beautiful 2017 BD720P X264 AAC Mandari...
Thread: Sarfarosh (Hindi)
View Single Post
  #1635  
Old 14th October 2015
xxxdev's Avatar
I Love Mother Nature!
Visit my website
 
Join Date: 6th June 2009
Location: India
Posts: 37,477
Rep Power: 159 Points: 121418
xxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps database
Update 93

Ab tak aapne padha

Arpita nylon ki rassio se bane jaal jaise bags me niche utarne ke liye saare saaman ko baadhne lagi. Aparijita ek electric aari se kuchh daal aur chhote per kaatne chal pari.
8.30 AM tak dono sidecars ke saath bikes bhi abhi kaati gayi tanhinyo aur waha pahle se mauzod jahariyo ki madad se chhipa di gayi thi.
Iske baad sabase bhaari bandhe gaye bundle ko dono ne kal ki hi ke tarike se banaye gaye rope-climbing ke rope se niche dheere-dheere utara. Iske baad Arpita niche utari aur Arpita ke niche pahunchte-pahunchte Aparijita ne drone ko aadhe KM ke radius me ghumte hue feed bhejne ka nirdesh de diya.
8.50 AM tak sare saaman ke saath dono dusre gufa ke saamne khari thi. Aparijita ne do trolley bhi mangwaayi thi. Inn trolley ko iss tarah se design kiya gaya tha ki yeh fold bhi ho sakti thi aur iske sides ke kinaare ek baar khara kar dene ke baad aapas me ek-dusre se jur sakte the. Yeh Sapat satah par bhaari samaano ko gufa tak laane me kaafi madadgaar saabit hui thi.


Ab aage ...

"Aru, Jaldi se iss gufa ke andar chal kar dekhte hain. Agar vastav me yeh gufa kuchh dur aage jaa kar band ho gayi hogi to humen 20 ghante dusri gufa me bitane honge. " Aparijita ghari dekhte hue Arpita se kah rahi thi - "Agar agle 15 minutes me hum dusri gufa me pahunch jaate hain to hum team ko 5.30 baje tak yaha aane ko kah sakte hain."


"Apu, kya tu seriously kitab me likhi baat ko sach maan rahi hai." Arpita thora ros ke saath bol rahi thi - "Haan yeh sach hai ki un kitabo ki dusro ka naa dikhne waali baat ka koi scientific logic mere paas nahi hai aur naa hi usme likhi baato ka; magar uske aalaba baaki saari baato ka scientific explanation hai. "


"Aru, tu kyu munh phula rahi hai. Hume to yeh kaam karna hi hai to kyu naa usme likhi baato ko ek chance maan kar hum apne kadam badhaye." Aparijita ne Arpita ke kandhe par haath rakhte hue kaha.


"Tu theek kahti hai, un baato ka dhyan rakhne me koi nuksaan nahi hai." kahti hui Arpita ne apne kadam aage badhaye.


Sach to yeh tha ki lagatar bike bhagane aur itne saare saman ko jaldi-jaldi laane ke baad Arpita 10-15 minutes ka break chaah rahi thi.


Aparijita ne dusre gufa ke darwaaje ko Arpita ki madad se nakse ke bataye tarike se khola.


Darwaaja khulte hi Aparijita ne taaji hawa andar dhang se pahuchane se pahle hi munh par mask laga kar andar ki or chaalang laga di.


"Arr re re " Arpita ke munh se jab tak nikala, Aparijita gufa ke 5 feet andar tak ghus chuki thi.


Aparijita ke ek haath me uske kamar se jhul raha revolver aur dusre me torch aa chuka tha.


Aparijita ne daurte hue aage ka safar suru kiya. Andar adhera tha aur 100 kadam jaate hi Aparijita ko dikh gaya ki aage ka raasta chattano ke dher se band ho gaya hai.


Aparijita teji se chataano ke dher ko jaanch-parakh rahi thi ki kya kisi jagah se inhe aasani se hataya jaa sakta hai. 2-3 minutes me hi use pata chal gaya ki inn chattano ko hatana ya unke bich se raasta nikalna undono ke liye possible nahi hai.


Aparijita wapas jaane ke liye muri hi thi ki wo Arpita se takraate-takraate bachi jo munh phaare aascharya se chattano ke dher ko dekh rahi thi.


"Chal, munh band kar len nahi to koi chhipkali numa jaanwar tere munh me ghush jaayega." Aparijita ne revolver kamar se bandhe holester me daalane ke baad Arpita ke munh ko band karte hue kaha.


"Apu, main ..."


"Baaki baaten baad me hogi, chal jaldi se isse band karke pahli waali gufa me chalte hain." Aparijita ne Arpita ki baat katate hue kaha aur uska haath thaam teji se bahar ki or nikal pari.


9.05 AM par dono pahli waali gufa ke andar saare saaman ke saath ghus chuke thee.


Arpita kucch saman saath lekar aage badhna chahti thi. Magar Aparijita ne uska haath pakar kar andar ki or le chali.


"Aru, chhor unhe ! Sirf gun utha le, baaki cheeje hum baad me le aayenge.


" Aparijita ne ek light machingun utahte hue kaha.


Arpita jaldi se aage badh chuki Aparijita ke peeche gun aur aaj laaye gaye battery aur torch ke bag ko kandhe par uthate hue bhaagi. Aparijita ke kandhe par bhi ek bag tha jo upar tak bhara hua tha. Video camera Arpita ke gale se latka hua tha jo iss waqt recording mode me tha.


Aparijita ne gufa ke andar ghuste hi hawa uar lights ke liye kal khoje gaye sanketo ka istemaal kiya tha.


Dono teji se dhanmarg waale raast me jaane hi waale thee ki Aparijita ko ek baat sujhi.


"Aru, ek baar sarasri taur par wo jyan marg waale hall ka jyaza le lete hain. Waise to 1% bhi chnace nahi hai ki koi yaha ghusa hoga phir bhi ek nazar daal lete hain. Main aage rahungi aur tu mujhe picche se cover karna!" kahte hue Aparijita satrak kadamo se teji se aage badhi .


"Theek hai ! Aur aate waqt waha hum unusal movement ke signal dene ke liye kuchh gadgets lagate aayenge. " kahti hui Arpita ne chand seconds tak wait kiya aur jaise hi uske aur Aparijita ke bich 8 feet ka fasala hua, wo Aparijita ke picche satark kadamo se chal pari.


Agle 5 minutes me hi dono ne hall me pahunch kar jab sabkuchh normal paaya to jaldi se lazer beam alram waha lagane lagi. Bijli ki maat deti hui teji se dono ne hall aur uske darwaje ke aage 20 feet tak gadgets laga kar wapas dorahe par pahunch chuki thi. (if require reread update 78 and 79 for refer doraha and hall)


Dhanmaarg wale gadgets ne koi bhi unusal activity ka signal naa to unke mobile par aur naa hi Sarfarosh ke server par bheja tha, isliye waha bhi sthithi samanya honi chahiye thi.


Phir bhi satarkta ke naate Arpita thora pichhe rah kar Aparijita ko cover karti hui aage badhi.


Aparijita khajane ki taraf lagaye gaye recording device ke feeds check karne lagi jabki satark Arpita uske paas haath me aag uglane ko taiyar hathiyaar liye khari thi. Chand palo me hi pata chal gaya ki yaha sabkuchh thik hai.


Alram ko off karte hue dono hall me pahunchi.


Aparijita pahle hall me pahunchi jab ki Arpita ne us se 8 feet ki duri banaye rakha tha.


"Aru, jaldi aa !" Arpita ke kaano me Aparijita ki awaaz aai.


Arpita daurti hui Aparijita ke paas pahunchi to uska munh vismay se khula rah gaya.


Hall me baaye taraf ki diwaal me ek ser ka mukh ubhara hua dikh raha tha. Yeh singh-mukh takriban 2 feet ke diameter me bana hua tha. Singh pura jabra khole garajta pratit ho raha tha. Itni jeevant karigari thi ki ek pal ko to koi bhi use jeevit samajh leta.


Dono mantra-mugadh se us singh-mukh tak pahunchi. Kisi ke gale se singh-mukh ko dekhne ke baad se phir koi awaaz hi nahi nikal paai thi.


Aparijita aur Arpita singh-mukh ke paas pahunch uske aas-paas ke deewal ko gaur se dekh rahi thi.


"Aru, kal humne pure haal ka bahut acchi tarah se muyana kiya tha par yaha kuchh eisa nahi tha par aaj aachanak yeh singh-mukh yaha ubhar aaya aur yeh iss tarah se laga hua hai jaise yeh yaha sadiyo se hai. "


"Apu, kal maine iss jagah ko bakayda thok-baja kar dekha tha par yaha eisa kuchh bhi nahi tha." Arpita ki madhyam si awaaz aai.


"Aru, ek baat to clear ho gayi ki kitaabo ki likhi baat sach hai. Isliye ab samay barbaad naa karte hue hume iss singh-mukh ke jariye dusre gufa me pahunch kar time limit waali shart ko pura karne me lag jaana chahiye. Chal dono mil kar singh-mukh ko pahle daaye aur phir baaye ghumane ki kosis karte hain. "


Dono ne puri takat laga kar pahle daaye aur phir baaye singh-mukh ko ghaumane ki kosis ki par koi fayda nahi hua. singh-mukh tas se mas nahi hua.


Dono chup-chap aagle action ke baare me sochne lagi. Tabhi Aparijita ne dimaag me ek baat kaundhi. Usne thora jhuk kar singh-mukh ke andar haat daal kar uske jeebh ko dono haatho se pakar kar apni aur kheecha.


Ugle hi pal singh-mukh kisi bhur-bhure mitti ki tarah jharne laga aur 10 seconds me hi singh-mukh ka wajood dhool ke sakal me niche para tha.


Arpita aur Aparijita ka munh shock se khula hua tha. Unke samajh me nahi aa raha tha ki ab aage kaise badhenge.


Tabhi achanak jo hua use samajh naa paane ke karan shock aur utejjna me kab unke haatho ne ek dusre ke haatho ko thaam liya, pata hi nahi chala.


Achanak hi farsh par giri dhool do alag-alag hisse me daaye aur baaye taraf jama hone lagi. Lag raha tha jaise unhe koi chumbak teji se apni taraf khich raha hai. ek baar dher ki tarah jama ho jaane ke baad achank dono dher se ek patli rekha ke roop me dhoolkan ek-dusre ke taraf badhi.


Dhoolkan apas me takrati aur phir jaise hawa me vilin ho jaati; phir se unki jagah pichhe se aa rahi dusri pankti ke dhoolkan le leti. chand hi palo baad waha dhool ka naamonissan nahi tha. Wo deewal jisme singh-mukh ubhar aaya tha baaki deewaro sa hi ab dikh raha tha.


Arpita aur Aparijita ne ek dusre ki aur sawaliya nazaro se dekha. Unki aankhe ek dusre se puchh rahi thi ki ab kya ?


Tabhi jaise karisma hua.


Dono ke saamne se deewar andar ki or dhasne lagi.


Chand palo ke baad hi waha ek 7 feet chaura aur 10 feet ucha galiara dikhne laga. Andar kucch dur ke baad ghupp andhera tha. Hall ki light andar kuchh meter tak hi jaa rahi thi.


Ek pal ko dono ne ek dusre ko dekha aur phir Aparijita teji se hall se bahar ki taraf bhaagi jabki Arpita hall ke andar se tej torch ki rosni me galiara ko dekhne lagi. Phir usne saath laaye gaye bag se ek toy plane ko us galiara me rawana kar diya aur uske aate feed ko dekhne lagi.


Idhar Aparijita teji se ek sholder bag me kuchh saman bharne lagi aur saath hi me trolley me turnat kaam aane waali saman bharne lagi. Aparijita ki teji iss waqt machino ko bhi maat karne baali thi. Maatr 2 minute me hi Aparijita teji se wapas laut rahi thi.


Aparijita ne trolley ko dhaketi hui teji se hall ki or laut rahi thi. Trolley ke karan uski speed thori kam thi.


Aparijita jab wapas lauti thik tabhi Arpita ka toy plane wapas lauta.


"Apu, andar takriban 70 feet tak aisa hi andhiyara galiya hai aur uske baad yeh ek dusre gufa me khul raha hai par waha halki rosni hai. Saayad waha bhi iss gufa ki tarah rosni ke liye kuchh intazaam kiya gaya hoga. Galiyara aur gufa me saans lene me koi dikkat nahi hogi. Maine gufa me thori dur tak plane bheja tha aur waha lagta hai ki barso se koi aadamjaat to kya pasu-pachhi bhi nahi aaye hai."


"Aru, Main apne saath lights laayi ho aur tujhe pata hai ki yeh ek baar on kar dene ke baad agle 60 ghante tak apne khudh ke source se jalte rahenge. Eise hamare paas 100 lights hai. Hum inhe har 10-15 feet ke duri par lagate hue dusri gufa me pahunchenge aur iss naye entrance par kuchh lights laga ke waha iss gufa jaise rosni ke saadhan ko dhoodhenge taaki hume kam se kam din me lights ki zaroorat na pare. Uske baad hum sara aaj aur kal ke haal me chhore samaan ko dusri gufa me le aayenge. Aru, tujhe main yeh batana to bhul hi gayi thi ki us kitaab me likha hai ki ek baar hum iss gufa se us gufa tak ka raasta dhoondh lete hai aur dusri gufa me pahunch jaate hain to hum dono me se kisi ek ke us gufa me rahne se wo gufa me rahna hi maana jayega, bhale hi dusra inn gufao ke aas-paas bhi na ho; basarte dusri bandi 1 ghante ke andar hi wapas aa jaaye. Par ek saath hum pahli gufa me aadhe gante tak rah sakte hain. "


"Apu, yeh to acchi baat hai. Maatr 5 minute me hi yaha lights lag jaayegi." Arpita teji se ek light galiara ke chhat se chipakate hue boli.


Yeh light specially Sarfarosh ke liye design kiye gaye the. Isme mauzod battery ek baar charge karne par 60-70 ghante lagatar usme lage bulbs ke series ko jalaye rakh sakte the aur saath hi inhe kanhi bhi chipkaya jaa sakta tha.


Dono ne 2 minutes ke andar hi daur-bhag kar pure galiyare ko lights se iss tarah se rosan kar diya ki galiyara ki farsh se gujarti chhoti si chinti bhi chhupi nahi rah sakti thi. Aparijita ne gufa ke andar ghuste hi jaldi se 2 lights ko uske do taraf ke dewaalo se chipka kar Arpita ki or muri.


"Aru, main jab tak yaha baaki ke lights laga kar yaha bhi pahli gufa jaisi koi rosni ka shrot dhoodhti hoon tu, tab tak plane ko aur andar tak bhej kar un jagho ka thora jaayza len. "


Itna kah kar Aparijita galiyara ke aas-aaps ke hisso ko rosan karne me lag gayi. Wahi Arpita plane ko aur andar ki or bhejne lagi.


Plane teji se pahle tai ki gayi duri se aage badh gaya aur waha se live recording aur waha mauzod hawa ki bhi reading bhejne laga.


Agle 8 minutes me Aparijita ne galiyara ke aas-paas ke alaba aage ke 25 feet tak lights laga diye the. Usne saath me hi hawa aur rosni ke liye banaye gaye gupt sankets dhoondh nikal kar hawa aur rosni ka paravandh bhi kar diya tha. Halaki pahle bhi galiyara ke karan iss gufa me bhi taaji hawa thi par naye andekhe strot ke khul jaane ke karan hawa me ab jayda taajhi thi. Iske baad wo Arpita ke paas pahunch, jo uske waha pahunchte hi kah uthi.


"Apu .... "


Tabhi Aparijita ne use roka.


"Aru, abhi 9.20 hue hain. Agle 10 minutes me hum aaj aur kal ka saara saaman yaha pahuncha dete hai. Tu chalte-chalte apni baaten bata." Aparijita galiyara me teji se ghuste hue boli.


"Apu . Yeh gufa aage ek teerahe ke roop me khulta hai. Mujhe nahi pata un logo ne yeh kaise kiya par yaha aage ek paani ka chhota sa kunds sa hai jisme 10-15 log naha sakte hain. Wo kund me paani kanhi se aata nahi dikh raha hai. Maine plane me mauzod gadgets se paani ko check kiya to wo taaja paani nikala. Usme kuchh chemicals hain par wo sarir ke liye nuksaandehy nahi hai. Maine teeno raaho par plane kai 100 feet tak andar bheja par sab normal hai. ... ... "


Arpita baat karte-karte teji se chalte hue pahle gufa ke munh ke paas phunch chuki thi. Wo teji se Aparijita ka haath batate hue plane dawra bheji gayi reading ke niskarsh aur live recording se ikkathi gayi jaankari Aparijita ko de rahi thi.


9.30 baje dono saare saaman ke saath dusri gufa me thi aur agle 20 ghante waha bitane ko taiyar thi.


Aparijita ne ek chatai(mat) nikala aur bichha kar baith gayi aur Arpita ko bhi baithne ka issra kiya.

will continue -->
______________________________
[My story] Sarfarosh
पोंछ कर अश्क़ अपनी आँखों से, मुस्कुराओ तो कोई बात बने ! सर झुकाने से कुछ नहीं होगा, सर उठाओ तो कोई बात बने !!
भेदभाव अपने दिल से, साफ़ कर सके| दोस्तों से भूल हो तो, माफ़ कर सकें|| हम को मन की शक्ति देना, मन विजय करें| दूसरों की जय से पहले, खुद को जय करें ||
खुसरो दरिया प्रेम का, उल्टी वा की धार। जो उतरा सो डूब गया, जो डूबा सो पार।। A drop of honey catches more flies than a gallon of gall. ~ Lincoln

Last edited by xxxdev : 15th October 2015 at 08:54 AM. Reason: 7 feet lamba to 7 feet chaura

Reply With Quote
Have you seen the announcement yet?
Page generated in 0.01573 seconds