Pixel Art Backgrounds
Naachiyaar (2018)
Thread: Sarfarosh (Hindi)
View Single Post
  #1298  
Old 24th August 2015
xxxdev's Avatar
I Love Mother Nature!
Visit my website
 
Join Date: 6th June 2009
Location: India
Posts: 37,471
Rep Power: 159 Points: 121343
xxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps database
Update 83

Ab tak aapne padha

Aparijita ne ek masaal sidhiyo ke paas laga diya aur baaki thori- thori dur par laga diya. Arpita ne iss bich kai saare masaal unke stand se nikal kar le aayi.


Ab aage ...

Thori hi der me dono ne pure galiyaare ko masaalo ki rosni se rosan kar diya. Masalo se nikalne waali khusbu-daar halke dhuye me ek aur khashiyat thi, yeh man ko praful bana rahi thi.


Camera recording mode par laga kar dono ek-ek kamre ki talasi lene lagi. Iske pahle Arpita ne masal ko jalane ke liye banayi gai samagri ki vidhi Sarfarosh ke server par upload kar di thi.


Suruaat ke kuchh kamre khali the. Iske baad wo jis kamre ke paas pahunchi wo band tha aur use kholne ke liye peetal ke hatte lage the. Iska darwaaja zameen ke andar se bahar aata dikh raha tha. Jo insaan yaha ki gayi engineering ke karnammo se anjaan hota wo is darwaje ko bhi dewaar ka hissa hi samjhta.


Is baar Arpita ne Aparijita ko peeche rahne ka ishara karke peetal ke hatto ko khicha. Pahle to kuchh bhi fark nahi para par jab ne jor lagaya to kamre ka darwaja halki gargarahat ke saath neeche khiskne laga.


Darwaja khulne ke baabjud dono ne kai minute bahar wait kiya taaki kamre ke andar bahar se hawa jaa sake aur saath hi hawa ko check karne ke apne gadgets se kamre ke andar ke halat ka jayza liya.


Andar jaane layak vatavaran ka signal milte hi dono andar ki aur badh chali. Dono ke haath me ek-ek masaal tha.


Aparijita ne ghuste hi side me lage masal-stand me masal laga diya jabki Arpita ne abhi bhi haath me masaal pakar rakha tha.


Unke saamne lakri ke bare-bare ayatakar box rakhe the. Arpita masaal liye aage badhi aur box ko dekhne lagi. Box ko lohe ke kilo se band kiya gaya tha. Arpita ne masaal ko dusre box ke bich phasa kar khara kar diya.


Arpita ne box ko kholne ke liye apne bag se kuch auzar nikale aur use kholne ka prayash karne lagi. Iske pahle usne gadgets se yeh pata kar liya tha ki iss box ke andar koi thosh metal hai.


Aparijita ki salah par Arpita ne thori duri banate hue auzaro se us box ko kholne ka prayash karne lagi. Arpita ko dhyan aa gaya ki kaise ek mission ke dauran Misra me ek purane box ko kholne ke dauarn kuchh log namak ke tejaab se ghayal ho gaye the.


Jab box bilkul khulne ko ho gaya to Arpita picche hat gayi aur bag se kuchh aur auzar nikal laayi. usne inko aapas me iss tarah se jora ki wo dur se apne ugli ke zumbish se box khol sakti thi.


Dono picche ki or hati aur phir Arpita ne box ko kholne ke liye apni ungli ko harkart di. Agle hi pal box ka upar ka hissa alag hua para tha.


Box ke khulte hi kamre me peeli rosni phail gayi. Dono utsuk kadmo se aage ki aur badhi.


Box ke paas jaate hi unke munh se vismaykari siski nikal pari. Dono ne kab ek dusre ke haatho ko pakar liya tha, yeh unhe bhi pata nahi chala. Andar sone ki chhote-chhote eite karine se sajayi gayi thi. In eito par ek singhasan par baithe raja ka chitra ukera gaya tha.


Aparijita ne gaur kiya to paya jis taraf Arpita ne pahle box kholne ka prayash suru kiya tha udhar ke hisse me ek khas nissan bana hua tha jo baaki box me the. Yeh dekh kar Aparijita ne Arpita ka dhyan iss aur aakarshit kiya.


"Aru, hum baaki box bhi issi taraf se kholne ka prayash karenge. Yeh dekh yaha" Aparijita box ke upari kinaaro ko dekha rahi thi. - " Us hisse ko chhor baaki 3 taraf false kile lagi hui thi. Wo lakri ke andar gayi hi nahi thi."


Arpita ne unhe gaur se dekhte hue apna sar hilaya.


"Aru, aur dekh !!" Aparijita box ke andar lage ek lever jaise lohe ke rod ko dikhaya -"Jab box ko iss taraf se kholne ka prayash kiya gaya to dabab iss lever par para aur isne box ko khol diya. Hakikat me iss taraf ke bhi kile sirf bharam paida karne ke liye hain kyuki saare kilo ko nikalne se bhi box nahi khulta jab tak ki iss lever par dabab nahi prta. Bakai me lajabab karigari hai. "


"Apu, Mera to ji chah raha hai kisi tarah me us yug me pahunch jaau aur us waqt ke gaynio se kahu ki aap gyan ko baante nahi to yeh gyan lupt ho jayega !!" Arpita ke chehre par rosh dikh raha tha.


Dono phir ek-ek box ko check karne lagi. Aadhe ghante ke andar unhone saare box khol daale. Sabme sone ki eite rakhi thi. Yaha arabo rupaye ka sona rakha tha. Aparijita ne sone ko gadgets se check kiya to paya ki wo 24 karat ke the isliye unme wo mazbooti nahi thi jo 18-20 karat ke sone me hoti hai.


Dono ne phir unhe ek-ek karke band karna suru kiya. Kuchh box khali bhi the aur unme kagaj ka tukra rakha tha jisme inhe kab aur kinke aadesh par nikala gaya yeh likha tha. Dono ne har us box par jisme sona tha nisaan banaye aur use Arpita ke signature dwara seal kar diya gaya.


Iss bich camera apna kaam karta raha. Kamre ko phir se peetal ke haate ki madad se band kar diya gaya. Arpita dusre kamre ki aur badh hi rahi thi Aparijita ne use rok diya aur abhi ke recording ko Sarfarosh ke server par upload karne lagi.


Ek baar phir dono baaki kamro ki or badh chali. Agle 2.5 ghanto me dono ne sab kamro ki talasi le li thi. Ek aur band kamre me sona mila tha aur wahi ek lakrike drum me heere bhare pare the. Kucch kamre jo khule the unke andar mauzod box aur drum jayadatar khali the aur unme waisi hi note dwara bataya gaya tha ki unhe kab khali kiya gaya. Baaki drum me sone aur chandi ke sikke bhare hue the. Kul mila kar waha kharabo ka daulat tha.


Abhi dono us kamre me the jaha patthar ki mej aur kursiya lagi thi.


Bagair ruke machine ki tarah box aur drum ki talasi lene ke karan dono buri tarah thak gayi thi aur unke badan se pasina abiral bah raha tha. Inhone 2.5 ghanto me wo kaam kar liya tha jo dusre 4-5 ghante se kam me naa kar paate. Saath hi inhone iski information tak Sarfarosh ke server par upload kar di thi.


Abhi dono ek-ek kursi par baithi lambi-lambi saanse lene ke baad yogic relaxation technique se khud ko relax kar rahi thi. 10 minute me hi unhone khud ko kaafi relax kar liya. Ek baar phir unki nazar mej par pari nakkasidar lakri ka khubsurat dabbe par gayi.


Aparijita ne jaise hi us dabbe ko khola uske munh se ek vismaykari jor ki siski nikal pari.


Arpita daur kar uske paas aayi aur jaise hi usne jhank kar us dabbe me dekha to uska munh khula ka khula rah gaya.


Arpita ne Aparijita ke kamar me haath daal kar use pakar liya.


Andar ek chhoti se kitab rakhi thi jisme cover par bahut hi sundar akashro me sunhare syahi se likhe gaye the, ye sabd chamak rahe the. Sanskrit me likhe sabdo ka tansaltaion hota tha, "Aparijita aur Arpita ke liye"



Dono ek dusre ka mukh kucch pal ko dekhti rahi. Aparijita ne suspense me dube apne wajood me kab apne kapte haatho se wo kitab utha liya use khud hi pata nahi chala.


Aparijita ke haatho ne jab mez ki satah par kitab ko rakha tab tak dono kaafi had tak apne par kabu paa chuke the. Aparijita kitab ko kholne hi jaa rahi thi ki phir use dhayan aaya ki usne saayad aur bhi kitab us dabbe ke andar dekhi thi.


Aparijita ne phir se dabbe ke andar jhanka. Andar do patli-patli kitabe aur rakhi thi.


Aparijita ke dono kitabo ko utha kar dekha. Dono kitabo ko alag-lag patli resam ki dori se charo taraf se halki gaath se bandha gaya tha jiske ek sire ko khichte hi dori me jakri kiatabe alag ho jaati. Un kitabo par ek-ek chitra bana hua tha jise dekhte hi Aparijita ke mukh se halki awaaz me sirf yeh sabd nikala, "Aru !!".


Arpita ne Aparijita ke haath me pakri kitaabo ko jaise hi dekha ; uske mukh se sirf "Apu" ke alaba koi sabd nahi nikala.


Ek kitab par Aparijita ka chehra bana tha jo abhi ke Aparijita se hubhu milta tha aur waise hi dusre par aaj ki Arpita ka chehra bana tha. Nichhe chhote-choote sabdo me ek par likha tha , "Sirf Aparijita ke aankho ke Liye" aur dusre par "Sirf Arpita ke aankho ke liye".


Dono ne hairani bhari nazaro se ek dusre ki or dekha. Arpita ne apne paas Aparijita dwara pakri "Sirf Aparijita ke aankho ke Liye" baali kitab pakri hi thi Aparijita bol pari


"Aru, yaha saikro saalo se koi nahi aaya hai, agar aaya hota to kuchh aur notes hume milte. Yaha ki har baat gajab ki hai. Kisi ne saikaro saal pahle hamare baare me kuchh likha hai; to hume uska aadar karte hue pahle dono ke liye likhi gayi kitab ko padhte hain phir apne baare me likhi gayi kitab ko padhenge. Waise bhi agar alag se likhi gayi do kitabo ki koi zaroorat nahi hoti to saari baate pahle kitab me hi likhi jaa sakti thi. Hum pahle common kitab ko padhte hain phir dusre kitabo ki or rukh karenge ! "


"Apu, tu thik kah rahi hai ! Excitement me mujhse raha nahi jaa raha hai, chal padhte hai. " Kah kar Arpita uchal kar mej par hi baith gayi jabki Aparijita ne ek pathhar ki kursi par apne nitamb tikaye.


Kiatb ke pahle likhe gaye 10 panno ka saar kuchh eisa tha.


"Main sadhak Ramanand apne guru Swami Parmananda ke aadesh par yeh chhoti pustika apne Gurubhai Raja Indrajeet ke dono veergati ko prapat putriyo Aparijita aur Arpita ke liye likh raha hoon. Yeh pustika mantro ke sakti se iss tarah se kilit kar di jaayegi ki yeh sirf aur sirf unhe hi 15 janamo ke baad milegi. Iss dauarn ke janmo me bhi unka aapas me saath bana rahega. Kabhi wo sagi bahne hogi ya sakhiya, parantu last ke 7 janam wo sakhiya hogi jo ya to bachpan se saath hogi ya phir baad me milengi. Iss janam ke tarah hi unme apne desh ke prati jaan dene ki lalak har janam me hogi. "


"Yeh pustika iss tarah se likhi aur mantro dwara bandhi gayi hai ki yeh pustika dusre ke liye chuupi hogi aur agar Aparijita ya Arpita ne yeh kisi ko de bhi diya to yeh unke haath me jaate hi kora lagne lagegi. "


"Yaha yeh khazana Ayodhya ke Raja Ram ke 1000 saal baad Raja Indrajeet ke purvajo ne rakhwaya tha. Usi waqt ek mahrishi ne vipatti parne par yogya vansajo dwara dhan nikalane ka bandobast kar diya gaya tha. Us mahrishi ke tapobal ke karan koi bhi khud ke nirdharit matra se jyada dhan nahi nikal sakta tha. Us vaykati ko dhan ki utni hi maatra dikhegi jitne ka wo hakdaar hoga. Yeh gufaye bich-bich me sakiro saalo ke liye logo dwara bhula di jaayegi."


"Aparijita ne jis tarah se iss gufa tak aane ka raasta paaya tha wo use ek sanyog lag raha hoga par eisa nahi hai. Swami Parmananda ne apni sadhana ke bal par eisa mantro aur tantro ka jaal buna hai ki ek khargosh ke roop me unke mantro se paida hui sakti use yaha tak pahunchne ka maarg dikhayegi. Wo kai baar praytan karegi ki inn gufao tak aa jaye par wo tab tak yaha nahi aa payegi jab tak ki Arpita uske saath yaha nahi aati. Arpita ke bagair aane par yeh gufa use khali milega aur gufa ke anadar ke dono bhaag us see chuup jayenge, jaise jyan wali gufa ka hisaa saikro saalo tak jungle me sadhanarat uchh koti ke sadhako ke liye khula raha phir bhi dhan waala bhaag unse bhi chhupa raha aur sirf abhimatrit kiye gaye vaykti ke aane par hi dikhayi diya."



"Mere gurudev ne raja ke kahne par bhasiya me dekh kar bataya ki yaha ka sara dhan ek samay ke baad khud hi nast ho jayega aur uske pahle unki putriyo ko ek janam me isse desh-hit aur jankalyan me kharch karne ka mauka milega par usme kuchh vadhaye hain. Gurudev ne deshhit aur jankalyan me shahayak hone waali raashi yuh hi nast naa ho jaaye iske liye hawan suru kiya. Hawan ki khabar paate hi krodhi rishi jinki raajkumario ne bachpan me anjaane me mazak uraya tha , ne bhi isko vifal karne ke liye khud ke ashram me hawan suru kar diya. Par wo gurudeb ki hawan ko vifal to nahi kar paaye par usme rukawate daalne me kaamyab ho gaye. Pahli rukawat thi ki ek hi din me dono gufao me nahi jaaya jaa sakta tha aur dusra unhe dusre gufa me kam se kam 20 ghante bitane parenge aur tesra aur bahut hi muskil bhara rukawat thi ki unhe dusri gufa me raat gujarne ke baad agle din aur raat me hi sara dhan nikal lena parega kyuki dono gufae khud ko nast karne lagegi. iske alaba ek rukabat aur thi jise gurudev ne dusra marg nikal kar nistej kar diya tha. Jaise hi iss gufa ka dwar khulega waise hi dusri gufa ke paresh dwar ke andar jaane ka raasta kuchh dur baad chattano se band ho jayega. Gurudev ne dusre gufa me jaane ka raasta issi hisse se matro ke sakti se nikala hai jo dusri subah upar bane kamre me aane par ek singh ke munh ke roop me hoga jise apni taraf khichne se ek raasta dikhne lagega."


"Tantra ki saari kitabe Aparijita ke adhyan ke liye hai. Usne tantra ke jinn 2 kitabo ko apne paas rakha hai wo uske liye hi rakhi gayi hai aur use bhasiya me kaam degi. Baaki saari kitabe wo janta ke liye de sakti hai par in kitabo ko uske alaba uska ek shahayak hi padh paayega ya dekh paayega sesh logo ke liye wo kori ho jaayegi aur jis din inn kitabo ki zaroorat Aparijita ko nahi hogi wo khud ba khud lupt ho jayegi. "


"Arpita aur Aprijita aapko lag raha hoga ki gyan ko bahoot chhupa kar rakha gaya hai. Par yeh aanshik roop se satya hai. Mere gurudev ke samay se pahle yeh sthithi thi par abhi saare yogya sadhako ko kisi bhi bhedbhaav ke bagair siksha di jaa rahi hai par gurudev ne bhavisya dekh kar bataya hai ki kai hazar saal baad do bahut bare vishvidhyala Nalanda aur Taxila me banege aur dheere-dheere saare gyani gupt aur jatil gyan ki siksha wahi denge taaki ek hi jagah har tarah ki sikhsha mil sake parantu kaal ke krur haatho me inn vishvidhyala ka vinash likha hai jiske nast hote hi gyan bhi aamjano se dur ho jayega. "


"Is adhyay ke baad Aparijita aur Arpita ke pahle ke janmo ke baare me har adhyay me bataya gaya hai; jisse sambadh rakhte kuchh patra vartmaan samay me bhi unse takrayenge. Aparijita aur Arpita ke bhasiya ke maarg-darshan ke liye unke chitr bane do kitabe rakhi hai jo sirf sambandhit vaykati ko hi dikhegi."



Dono ne itna padhne ka baad hi apni ab tak na jhapki apne palke jhapkayi.


Arpita ne haath badha kar Aparijita baali kitab utha li. Uski hairani ka thikana na raha jab takriban 150 pages ki wo kitab kori nikali.


"Apu, tu jara check kar !!" Arpita ne kitab Aparijita ki or badhata hue kaha.


"Aru, iss kitab me mere bhoot, vartaman aur vabisya ki baate likhi hui hai." Aparijita ne dheere se kitab mej par rkhte hue dheemi awaaz me boli.


"Kya !!" Arpita ne aankhe phar kar kaha aur jhapat kar phir se kitab utha li, par wo phir se kora ho chuki thi.


Aparijita ne Arpita waali kitab uthayi aur yeh uske liye kora nikali.


"Aru, yeh kitab mere liye kora hai par tu dekh; yeh tere liye kori nahi hogi !!" Aparijita ne aankhe phailaye Arpita ke haatho me jabaran kitab thamate hue kaha.


Aparijita ne kabhi Arpita ko nahi bataya tha ki wo khud ki kitab ko Premnagar aane ke baad kai baar sapne me dekh chuki thi. Wo soch rahi thi ki yeh baat Arpita ko bataye ya nahi . Phir usne naa batana hi theek samjha.


"Apu, yaar tu theek kahti hai ! Isme to meri puri jindgi ke baare me bataya gaya hai." Arpita ki uttejit awaaz Aparijita ke kano me pari.


Aparijita ka chehra gambhir ho chuka tha . Uske chehre ko dekh kar lag raha tha ki wo koi phaisla karne ki kosis kar rahi hai.


"Apu, tu kya itna soch rahi hai !!" Arpita ne dheere se Aparijita ke kandho par haath rakhte hue kaha.


"Aru, main saare paristhiyo par gaur kar rahi thi. Us waqt nahi laga tha par ab laga raha hai ki us khargosh ke jariye nakse tak pahuchna mahaj itafaak nahi thi. Aur jaisa maine sarasari taur par khud ki kitab me padha aur saath me yeh bhi dekh liya ki naa manne layak baat hote hue bhi saari baaten sach nikali; hume kal ka raat aur din dusri gufa me bitana parega. Yaha ki ghatnao ko dekhte hue hum iss baat ko halke me nahi le sakte ki kaise aachank se yeh dono gufae phir se prakriti ki gaud me chirkaal ke liye so jaayegi. Chal yaha se nikalte hai aur main chief uncle se baat karke parso saari cheeze yaha se nikalbane ka praytan karti hoon. "


Aparijita teeno kitabo ko haath me lekar nikal pari.


Aparijita ne kitabo ko pet par bandhe belt me phasa liya aur aage chal kar dewal me lagi jal rahi masal ko bhujane lagi.


Peeche aati Arpita bhi dusre taraf ke masal ko bujhate hue aa rahi thi.


will continue -->
______________________________
[My story] Sarfarosh
पोंछ कर अश्क़ अपनी आँखों से, मुस्कुराओ तो कोई बात बने ! सर झुकाने से कुछ नहीं होगा, सर उठाओ तो कोई बात बने !!
भेदभाव अपने दिल से, साफ़ कर सके| दोस्तों से भूल हो तो, माफ़ कर सकें|| हम को मन की शक्ति देना, मन विजय करें| दूसरों की जय से पहले, खुद को जय करें ||
खुसरो दरिया प्रेम का, उल्टी वा की धार। जो उतरा सो डूब गया, जो डूबा सो पार।। A drop of honey catches more flies than a gallon of gall. ~ Lincoln

Last edited by xxxdev : 24th August 2015 at 10:03 PM. Reason: update number was wrong

Reply With Quote
Have you seen the announcement yet?
Page generated in 0.01644 seconds