Adobe Photoshop Lightroom Classic CC 2018 v7 2 0 10 x64 [IBcracks]
Evan Handler
Thread: Sarfarosh (Hindi)
View Single Post
  #1153  
Old 2nd August 2015
xxxdev's Avatar
I Love Mother Nature!
Visit my website
 
Join Date: 6th June 2009
Location: India
Posts: 37,471
Rep Power: 159 Points: 121343
xxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps database
Update 78

Ab tak aapne padha
Arpita prakritik sundarta me bhul kar ek purana geet gaane lagi thi aur ek chhote hiran ke bacche se dosti bhi kar chuki thi. Par hiran ka baccha apni maa ke bulane par laut gaya aur Aparijita ne Arpita ko apne manzil par chalne ka issra kiaya .

Ab aage ...

Dono phir apne manzil ki aur badh chali. Raaste me kai manbhavan drisya saamne aa rahe the par iss bar wo sidhe apne manzil par jaa kar hi ruke. Drone pahle se hi ek per ke upar hibernate state me sthir tha.

Aparijita ne bike waha mauzod jhario me chhupa diya. (check update 51 for first sight of these caves and some other details
Update 51 )

Aparijita sidhe kahare chhtano ke paas khari thi. Wo thori der tak waha kinare khare pero aur chattano ko check karti rahi. Ek jagah santust hokar usne Arpita ko issara kiya. Arpita ne bhi santust ho kar apna sar hilaya.


Aparijita ne bare hiking bag se tree climbing wali rassi nikali aur use agale hi pal uchhal kar per ke eise daal par set kar diya jo matra 20 feet hi ucha tha magar uski daal aage badh kar chattano se bahar ki taraf jaa rahi thi jiske karan us par niche se expert banda/bandi wapas aane ke liye rassi baandh sakta tha.

Please check video of http://www.youtube.com/watch?v=gGcCr1QybZo for technique used by Aparijita


Aparijita sabse pahle niche utari; phir dono bag niche utaare gaye. Uske baad Arpita ke utarte hi Aparijita ne rassi bhi khol kar utar li.


Aparijita aur Arpita bag utha kar ek gufa ki aur chal paree. Aparijita aage chalte hue Arpita ko kuchh batane ke liye picche muri to uski nazar ek khoh par pari jaha par done ko rakha jaa sakta tha aur waha se gufa ke muhane ke aalaba bike waali jagah bhi uske range me aane waali thi.


Aparijita ne turant drone ko per se iss naye jagah par adjust kiya. Yaha par kuchh sukhe jungli paudho ke karan drone bilkul chhup sa gaya tha par uske cameras us angle se manmaafik range me snaps lene samartha the. Aparijita ne use phir se hibernate state me daal diya. Wo bich-bich me sirf uska camera ke snaps use karne waali thi jiske liye bahut kam power consumption hona tha.


Agle kuchh hi minutes me wo dono gufa ke muhane par pahunch gaye thi. Aaj mobile ke saath-saath unke paas satellite phone bhi tha. Gufa ke muhane par pahunch kar Aparijita ne mobile ka signal check kiya jo thik-thaak tha.


10 baj chuke the.


Aparijita ne thane ka number mila kar Ghanshyam se kuchh der tak baat karti rahi aur use bataya ki wo aage bhi us se contact me rahegi.


Idhar Arpita ne Aparijita ke nirdesaanusaar yaha ka location Sarfarosh ke server par feed kar diya.


Thore der baad dono gufa me pravesh kar chuke the aur chalte-chalte un aakritio ke paas pahunche hue the jinme iss band deewal ko kholne ka raaj chhupa tha.


Aparijita ne gupt point par dono haatho se takat laga kar dabab daalna suru kiya to saamne se gufa ki dewaal hatne lagi. Jald hi waha ek mokhla sa khul gaya jisme se ek insaan andar ghush sakta tha.


Arpita uske andar ghusne hi jaa rahi thi ki Aparijita ne uska haath thaam kar use rok diya. Arpita jaise achanak se hosh me wapas aayi aur use utsukta me apne uthaye kadam par thori sharmindgi bhi mahsoos hui.


Aparijita bag se kuchh cheeje bahar nikal kar rakhne lagi. Idhar Arpita ne gufa ke darwaje ke kholne ka technique bhi server par upload kar diya aur aakar Aparijita ka haath batane lagi.


Agale hi pal dono kuchh spy gadgets waha lagane lagi jo kisi bhi aahat par active ho kar unhe yaha ho rahi gatividhiya ek dusre gadgets ki madad se dikha sakti thi. Unhone waha gadgets iss tarah se lagaye jo kisi ke nazar me nahi aane waale the.


Iske baad dono ne apne sarir par eise gadgets baadhe jo hawa me mauzod jahreeli gas aur dusre baato ka information deti thi. Dono ne shoulder holster ko shirt ke upar se baadh liya aur unki magzine check kiya. Aaj Aparijita bhi police revolver ki jagah Arpita ki tarah Sarfarosh ki 30 rounds baali semi automatic pistol laayi thi.


Dono ne cargo ki jebo me magzines ke kuchh extra pack daale. Aparijita apne saath apni sikhari chaku bhi laayi thi jise usne apne kamar se baandh kar latka diya. Dono ne kamar me chhote magar bahut hi saktisaali torch bhi baandh rakha tha.


Aparijita ne un aakritio me mauzod ek dusre gupt sanket par dabab dalna suru kiya to wo khula raasta band hone laga.


"Aru tu bahar ruk main andar ki taraf check karti hoon. Iss dewaal ke paas hi andar bhi eisi hi ek arrangement hona chahiye jis se gufa ka raasta andar se band kiya jaa sake. Main andar jaa kar darwaaja band aur khol kar us mechanism ko check karti hoon aur koi garbar hone par tu bahar se darwaja khol dena. Mujhe yeh bhi dekhna hai ki darwaja pura kyu nahi khul raha hai jabki isse pura khulna chahiye tha."


Arpita ko bol kar Aparijita us khule raaste me ghus gayi.


Andar bahar se halki rosni jaa rahi thi par wo kaafi nahi tha. Aparijita ne torch jala li. Andar umeed ke viprit hawa utni sili hui nahi thi jitna itne dino se band hone ki wajah se hona chahiye tha. Kucch minutes me hi Aparijita ne waisi hi aakritio ko dhundh nikala aur unko check bhi kar liya.


Issi duran Aparijita ne dekha ki upar se patthar tut kar girne se darwaja kholne aur band karne ka mechanism ek jagah phasta hai jiske karan darwaja pura khul nahi paa raha tha. Aparijita ne us mechanism ke daanto me phase patthar ke tukro ko nikal phenka.


Iss bar jaise hi Aparijita ne darwaje ko andar se band karke khola to iss bar darwaja pura khul gaya. Iss baar darwaaja 8 feet chaura khula tha. Darwaje ko pura khulte dekh dono ke chehre par vijay bhari muskaan aa gayi.


Bahar ke taaji hawa andar teji se aane lagi thi.


Tabhi Aparijita ki nigah ek dewaal par bane deepak ki akirti par pari jo thora jayda hi ubhare hue the. Aparijita thore der tak unhe gaur se dekhti rahi phir unko dono haatho se dabab daal kar dhakelne ka prayash kiya.


Agle hi pal deepak deewal me dhas chuka tha aur naa jane kaha se gufa ki andar ki taraf se taaji hawa aane lagi thi aur saath me hi gufa ke andar halki se rosni bhi ho gayi thi.


Aparijita ne andar ki taraf se darwaaje kholne waali aakirtio ki aur dekha to paya ki wahi paas me naa jane kaha se ek deepak ki akirti ubhar aayi hai jo pahle waale ki tarah hi ubhari hui hai.


Aparijita ne use jaise hi dabaya to rosni ka naya shrot band ho gaya aur saath hi gufa ke andar se aane waali taaji hawa bhi band ho gayi.


Aparijita ne ek baar phir se pahle waale deepak ko daba diya aur bahar aa gayi.


Bahar aake wo Arpita ko un mechanism ke baare me batane lagi. Arpita ne andar jaa kar unhe dekhne ke liye apne kadam badhaye hi the ki Aparijita ne use yeh kah kar rok diya ki thori der me gufa me puri taraf taaji hawa bhar jayegi tab dono andar jaayenge.


Tabhi Arpita ke paas Arvind ka phone aaya jo iss waqt Sonbhadra me apne team se milne ke baad use report de raha tha. Usne apni next steps Arpita se discuss kiya.


Gufa ke darwaaje ke pura khulne ke karan ek gadget useful nahi rah gaya tha isliye uski position Aparijita ne change karke theek kiya. Aparijita ne drone ki camera ki madad se ek baar gufa ke chaaro or aur upar ka jaayza liya.


Sara vatavaran shant tha. kabhi kabhi yeh shanti kisi gujrate panchhiyo ki jhund ki chachahat se tutati thi aur uske baad phir se wahi sannata chha jata tha.


Thori der tak Arvind se hui baato par discussion karne ke baad dono andar ki or chal pari.


Andar aate hi iss bar Arpita ne darwaja andar ki taraf ki aakriti ke gupt point se band kiya aur dusri deewar par bane deepak ki aakriti ko daba diya. Andar naa jaane kaha se phir se taaji hawa aane lagi aur halki si rosni bhi aa chuki thi. Unhone mobile ka signal check kiya jo abhi bhi available tha.


Dono ko thora aascharya to hua par unhone andar aati taaji hawa aur halki rosni ke shrot ko janane ke baare me utsukta nahi dikhayi. Wo jaanti thi ki prachin Bharat me log eisi engineering ki technique use karke nirman karya karte the jo normal logo ko karisma lgata tha par unke picche bahut hi nafasat se planning karke taiyar ki hui technique hoti thi. Aur yaha bhi eise hi kisi technique se rosni aur taaji hawa ka intazaam kiya gaya tha.


Takriban 50 feet aur aage jaane ke baad raasta thora dhalu ho gaya tha. Saath hi chhat ki deewar aur uchi hoti jaa rahi thi. 200 feet aur chalne ke baad gufa jo darwaaje ke paas matra 10 feet ucha tha, abr takriban 15-17 feet ucha ho gaya tha.


Thora aur aage badhne par Aparijita ki nazar gufa ki chhat par tik gayi jaha par paani risne ke nissan dikh rahe the aur saath me waha ki chhat ke kuchh parte bhi gayab se lag rahi thi jo thore duri par niche giri dikh pari. Jisne bhi iss gufa ko apne engineering ke kamal se ek tilsami gufa me badla tha wo prakriti ke iss sararat ka andaza nahi laga paya hoga aur uske tilasmi gufa me paani ne sendh laga di thi.


Aparijita ne bare bag se 2 mining me kaam aane waale helmet nikala aur ek Arpita ko dete hue khud bhi ek pahan liya. Halaki halki rosni aa rahi thi phir bhi gufa ko aur gaur se dekhne ke liye ushone apne helmet ki light on kar di thi.


Arpita chhote se handicam se bich-bich me recoding bhi karti jaa rahi thi.


Gufa andar se kaafi bara tha aur ab tak iss prakirtic gufa ki banawat dekh kar yeh dono ke samjah me aa gaya tha ki iss gufa ko lajabab engineering ke dwara iss tarah se modify kiya gaya tha jis se uski originality se jayda chherchhar bhi nahi hua aur kaam bhi ban gaya tha. Yeh ek vastav me lajabab karnama tha.


chalte-chalte ab gufa ke dono side ke dewaalo par kanhi-kanhi chitra (paintings) bane dikhne lage the. Arpita ne un paintings ko apne aur Aparjita ke helmet ki lights ke madad se record karna suru kar diya. Usne apne mobile se unki kuchh high resolution par still images bhi qaid ki.


Yaha par ek eisi bhi aakriti ukeri gayi thi jispar painting ka kaam nahi hua tha. Lag raha tha ki unhe ukera gaya tha par kisi wajah se unme rang nahi bhara jaa saka tha.


Aparijita kucch der tak us aakriti ko dekhti rahi aur iss natije par pahunchi ki unme jaan-bujh kar rang nahi bhara gaya tha aur wo kisi baat ko indicate kar rahe hain. Usne apne mobile se us aakiriti ki kai snaps liye aur ek baar phir se unhe samjhane ki kosis karne lagi.


Iss tasweer me ek pathik(traveller) ek doraahe par khara hokar soch raha tha. Ek raaste par ek hans apne pankh pasare urta jaa raha tha aur dusre raaste par ek ullu(owl) tha. Hans ke peeche 4 chhote hans ud rahe the aur unke saath 2 chhote ullu bhi the. Issi tarah dusrei taraf ullo ke peeche 5 chhote ullo ud rahe the aur unke saath 1 chhota hans bhi tha. Iss complete tasweer me iske aage bhi bahoot kuchh bana tha jisme mandir, khet, jung ke hathiyaar bagaira the.


Aparijita kucch der tak tasweer me chhipe sanketo ko samjhane me lagi rahi phir jaisi hi uske samjah me iska kuchh-kuchh arth aaya uske chehre par muskaan chha gayi.


----------------------- * ------------------------------- * -------------------------------

Kuchh dur aage badhne par dono ek doraahe par khare the.


Doraahe ko dekhte hi Aparijita ke hontho par muskaan aa gayi usr use laga ki uska andaaza sahi saabit hua.


"Aru, pahle hum baaye taraf ke raaste par nissan banate hue aage badhenge. "
Aparijita ne fluorescent marker se raaste me andar jaane se pahle nissan bana diya. Wahi Arpita ne waha mauzod kuchh chhote pattharo se ek symbol bana diya.


"Aru, agar mera anumaan sahi hai to hum apni zindagi ki sabse bari khoj ki aur aage badh rahe hai."


Aparijita ki awaaz nisaan banati Arpita ke kaano me aayi to usne muskurate hue Aparijita ki or dekha jiska chehra aane waale palo ke baare me soch kar damak raha tha.


"Apu, kal main tumhe ek batana bhul hi gai thi. Ek naya software Sarfarosh se jora gaya hai jo Sanskrit ko Hindi me translate kar deta hai. Maine Aagnivesh ke kamar me likhe tatto waale mantra ke scan copy ko usme daala tha jiska translation bilkul sahi aaya tha. Yeh government ke liye prachin grantho par research karne ke liye banwaya gaya hai aur yeh scan copy se khud hi likhe sabdo ko chhant kar translate kar deta hai. Saath hi isme manually kucch sabdo ko badha aur ghata bhi sakte hai. Yeh software hume kal subah hi mila hai !!"


"Lagta hai, aaj sayad iska upyog jam kar hone waala hai !!" Aparijita ne muskurate hue kaha.


Aparijita ki baat par Arpita pahle to thora chauki phir uske samjah me aa gaya ki Aparijita ko aaj bhi kuchh mantro se sambandhit vastu milne ki umeed hai.


Dono baat karte aur raaste par nisaan lagate hue aage badh rahe the. Bahar se koi nahi kah sakta tha ki andar se yeh gufa itni bari hogi. Aascharya ki baat thi ki itna andar aane ke baabjud abhi tak gufa me madhyam si rosni kaayam thi. Yeh ek nayab engineering ka karnaama tha jo kisi tarah se bahar ki rosni ko andar pahuncha raha tha. Saath hi me kanhi se taaji hawa gufa me aa rahi thi. Phir bhi lambe samay se kisi ke kadamo ki aahat ko taraste iss gufa me halki si band jagaho waali ahsaas rah hi gayi thi.



will continue -->


______________________________
[My story] Sarfarosh
पोंछ कर अश्क़ अपनी आँखों से, मुस्कुराओ तो कोई बात बने ! सर झुकाने से कुछ नहीं होगा, सर उठाओ तो कोई बात बने !!
भेदभाव अपने दिल से, साफ़ कर सके| दोस्तों से भूल हो तो, माफ़ कर सकें|| हम को मन की शक्ति देना, मन विजय करें| दूसरों की जय से पहले, खुद को जय करें ||
खुसरो दरिया प्रेम का, उल्टी वा की धार। जो उतरा सो डूब गया, जो डूबा सो पार।। A drop of honey catches more flies than a gallon of gall. ~ Lincoln

Reply With Quote
Have you seen the announcement yet?
Page generated in 0.01670 seconds