Uğur böceği izle
Arcade Fire
Thread: Sarfarosh (Hindi)
View Single Post
  #1060  
Old 10th July 2015
xxxdev's Avatar
I Love Mother Nature!
Visit my website
 
Join Date: 6th June 2009
Location: India
Posts: 37,471
Rep Power: 159 Points: 121343
xxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps database
Update 74

Ab tak aapne padha

"Gopu josh me hosh nahi khote !!" Aparijita ne use study materials dete hue kaha. Aparijita ne tipai Gopu ke pass hi rakh di.

Ab aage ...

"Wo-wo madam nikalte waqt mujhse control nahi hua ki maine mile mauke ka fayada nahi utha paya, aur wo harkat ho gayi. " Gopu thora jhepta hua sa bola.


"Tumhe iss baat ka bhi dhyan rakhna chahiye tha ki love-making ka koi nisaan dusre bande ko nahi dikhe. Agar maine makeup se chehre ke nisaan ko nahi chhupa deti to aaj saare night staff ko unke lautate hi hamare baare me pata chal jata. " Aparijita ne halke ulhane waale swar me kaha.


"Madam, ab se main bahar se dikhne waale hisso ka dhyan rakhunga !!" Gopu ne jhepi-jhepi muskurahat me kaha. Uske aankho ke saamne wo najara aa gaya jab wo Aparijita ke gaalo ko jam kar chus raha tha.


"Ab study par concentrate karo, eise mauke kai aayenge !! Tumhe har haal me aane waale hafto me acche marks se paas hona hai." kahte hue Aparijita apne cabin ki aur badh gayi.


Gopu apne study material par man lagane ki kosis karne laga.

---------------------- * -------------------------------------------- * --------------------------

5 minute ke baad hi kai bikes ki thane ke compund me rukne ki awaaz aayi. Ab tak Gopu bhi apne ko puri tarah se sambhal chuka tha aur sanjidgi se study me dub chuka tha.


Night staff ne jab thane me ghuste hi Gopu ko sanjidgi se padhte dekha to unhone ek-dusre ko aankho se issara kiya ki dekho isse madam ne kaise tight kiya hai.


Gopu unhe dekh kar Aparijita dwara theek time par roke jaane ko le kar sukra mana raha tha ki agar thori bhi der ho jaati to wo dono range haanth pakre jaane waale the.


Aparijita ne unki report suni. Jaisa ki usne umeed ki thi, dookh hone ke babjud Premnagar aur Daduli ke logo ke bich koi tanav nahi dikh raha tha. Usne Javed, Ramdyal aur Daduli ke bujurgo ko paristhithi sambhalne ke liye sarahna ki.


Aparijita ke goodnight kah kar nikalte hi baaki log Gopu ki khichai karne lage the, ab yeh un becharo ko kya pata tha ki Gopu ki Aparijita ne khichai nahi balki mauz karwayi thi !!


"Main soch raha hoon ki madamji ko kah du ki tumlog bhi aage ki padhai karna chahte ho aur saram ke maare kah nahi paa rahe ho !!" Gopu ne thora narazagi dikhate hue unko kaha.


Yeh sunate hi sabke tote ud gaye. Unhone sun rakha tha ki acche numbers nahi laane par Aparijita ne Gopu ke liye kara punishment announce kar rakha tha.


"Gopu bhai, hum to eise hi hansi mazak kar rahe the. Aap study karo." Kahta hua ek waha se khisak liya. Wo dar raha tha ki kanhi Gopu Aparijita se sachmuch naa kah de. Baaki bhi koi na noi bahana karke khisak liye.


Har kisi ko lag raha tha ki madam didi ne aaj Gopu ki acche se khabar li hai. Unko pata hi nahi tha ki dono ke bich thane ke andar kya khel hua hai aur naa hi kabhi pata chalne waala tha. Naa to Aparijita phir kabhi thane ke andar yeh harkat karne waali thi aur naa hi Gopu kabhi eisi harkat karne waala tha jis se kisi ko bhi uske aur Aparijita ke relation ke baare me pata chale. Upar se Aparijita ne eisa situation create kar rakha tha ki Ghanshyam aur Harilal jaise log uske madad ke liye Gopu ko jayada sahi samjhte the aur baaki log Aparijita ke saath buri tarah thakane waali bhagdaur se khud ko alag rakhna chahte the. Iske aalaba kuchh din pahle liye gaye jungle adventure ke test me Gopu ne hi sabse accha score kiya tha.


Aparijita thane ke compund se apne quarter ki aur muri hi thi ki ek gaari ki thane ke compound ke paas rukne ki awaaz aayi.


Aparijita ne mur kar dekha to use Arpita aur Arvind car se utarte dikhe to wo udhar hi chal pari.


Aparijita ke pahuchne tak Arvind car ki pichhli seats se Arpita ka bara sa suitcase utar chuka tha. Aparijita ko dekhte hi Arvind ne greet kiya.


Arpita ne apne kandhe par laptop taang rakha tha. Arvind ne pichhe ki seat se ek bara sa hotcase nikala. Hotcase ko dekhte hi Aparijita ko Arpita dwara ki gayi promise ki yaad aa gayi.

Arvind unhe goodnight kah kar nikal para. Aparijita Arpita ke suitcase ko wheel par kheechti chal pari jabki Arpita ne hotcase thama hua tha.


Arpita ko Arvind ke jariye Premnagar me aaj hue hungaame ki detail khabar thi.


Arpita ne nikalte waqt kuchh agents ko kucch report collect karne ke liye kaha tha. Raaste me gaari kharab ho jaane ke karan wo apne schedule time par Premnagar pahunch kar unse report nahi collect kar paayi thi aur Arvind ke saamne wo iss topic par baat bhi nahi karna chahti thi.


Arpita ne Aparijita se fresh hokar change karne ko kaha aur khud laptop le kar sabse video confrencing ke jariye report lene lagi.


Arpita ke call khatam karte-karte Aparijita naha kar apni jheeni nighty pahne wapas aai, jiske andar usne hamesa ki tarah kuchh nahi pahna tha. Arpita use dekh kar muskarai !! Aparijita ne kahne par Arpita bhi 5 minute ke andar hi naha kar ek nigthy pahne uske saamne baithi thi.


Abhi raat ke 11.15 baj rahe the.


"Aur bata aaj meeting me kya hua !!" Aparijita ne chhutate hi puchh dala.


"Hum dinner karte hue baat karenge, nahi to jo itne dur se special khana banwa kar laai hoon wo mazedaar nahi rahega !!"


Khana bakai lazzedaar tha. Dinner karte hue dono mission par baat karne lagi.


"Apu !! Tu pahle apne tantrik ke baare me report sun ." Arpita murge ki taang Aparijita ki plate me daalte hue boli.


"Aagnivesh ka sanyas se pahle ka naam Niranjan tha. Wo khandani raeis pariwaar se hai. Uske baap ek bahut hi kaabil vakil tha jisne court-cases se bahoot daulat ikkatha ki. Iske aalaba usne share market aur zameen ke businees me bhi bahoot daulat kamai. Chuki Niranjan ki ruchi vakalat me nahi thi, isliye uske samjhdaar baap ne bhi koi jor jabardasti nahi ki. Niranjan ka business me ruchi thi isliye uske baap ne use usi ke liye proytashit kiya. Niranjan ko IIM me study ke dauran hi ek multinational comapny me kaafi acchi package par naukri mil gayi. Apne baap ke experience gain karne ke sujhab par usne job join bhi kar li thi."


Arpita ne haatho me pakri haddi ke tukre ko khali plate me dala.


"College ke waqt se hi Nirajan larkiyo ka rasia tha. Uske group me jaydatar eise hi bigre raeis larke-larkiya the. Nirajan ke baap ne us se vada liya tha ki wo kabhi prostitute ke paas nahi jaayega aur naa hi kisi larki se uske marji ke khilaf sambandh banayega. Niranjan ke sex partners bigri larkiyo ke saath-saath adventure ke saukin raeis larkiya bhi thi !! Haan prostitute ke maamle me wo kaafi chuzi tha aur sirf bahut hi high class prostitute ke saath hi sambandh banata tha jo sundar hone ke saath-saath well-educated bhi ho . " Arpita ne bhune hue murge ka ek piece utahte hue kaha.


"To yeh bhogi Nirajan swami Aagnivesh kaise ban gaya !!" Aparijita ne haath me pakre murge ki taang ka aakhri hissa chabate hue puchha.

"Aagnivesh 5 saal job karne ke baad khud ka business suru karne aur apne baap ke paas rahne ghar laut aaya tha. Nirajan apne baap se bahut pyar karta tha jisne bachpan me hi Nirajan ki maa ke gujar jaane ke baad maa-baap dono ka farz nibhaya tha. Ek saam jab wo apne baap ke saath ek hill station se laut raha tha tab achanak uske car ke upar bahut bara patthar aa gira !! Us patthar ke niche dab kar driver aur uske baap ki maut usi waqt ho gayi !! Niranjan ko logo ne nikal kar hospital pahunchaya, jaha uski jaan to bach gayi par uske pair ko paralysis maar gaya tha. "


Arpita ne dekha ki Aparijita apne haath rok kar uski baaten sunane me khoyi hui hai. Usne iss baar mutton ke bowl se kucch pieces utha kar dono ke plates me daale. Arpita ke issara karne par Aparijita ne phir se khana suru kiya.

"Us accident ke baad lauta Niranjan aur pahle ke Niranjan me koi mel nahi tha. Car racing, stunt ka saukin Niranjan ab chalne-phirne ke liye apne 1 lakh ke power wheelchair ka mohtaj tha. Usne naye business ke baare sochna band kar diya tha aur naa hi kisi se milta tha aur naa hi kanhi jaata tha. 2 mahine baad wo ek baar phir se usi hillstation par, jisne uska sabkuchh chhin liya tha pahunch gaya. Daily saam ko wo dur tak apne wheel chair par nikal jaata tha . Par hillstation ka shant vatavaran bhi uske man me shanti nahi laa paya tha.


Eise hi ek saam use lautne me kucch jayada der ho gayi. Usne hotel lautate waqt deka ki ek bike ko ek tempo side maarte hue nikal gaya. Bike dhakke se unbalance hui aur road ke dusre taraf railing ki or jhapti. Railing se takra kar bike teji se uchhali aur us par swar banda uske jhatke se hawa me ur sa chala. Bike sawar wahi khare ek per se takraya aur niche gir para. Idhar bike biker ke per se takrane se pahle hi niche khai me gir pari thi. Niranjan teji se us taraf apne whellchair ko le gaya. Usne railing ke paas jaa kar dekha to bike sawar sarak se thora niche chhatano me fasa hua tha aur uske sar se teji se khun bah raha tha!! "



Baatchit karte rahne ke karan khane ki speed bahoot dheemi thi. Waise bhi aaj ke hungame ne Aparijita ko dhang se luch bhi nahi karne diya tha. Arpita ne salad ki plate khali dekh kar abhi apna haath udhar se hataya hi tha ki Aparijita ne use bhar diya. Arpita khate hue phir aage ki kahani batane lagi.


"Nirajan ne biker ko awaz di to usne chilla kar bataya ki uske ek paun ki haddi sayad tut gayi hai jiske karan wo upar khud se nahi aa sakta hai. tabhi us chaatan ka kuchh hissa tut kar niche gira to us bande ne Niranjan se jaldi kuchh karne ko kaha.


Dur- dur tak sannata tha aur koi madad ki umeed nahi thi. Iss baat ke 100% sambhavna thi ki Niranjan ke hotel jaake madad lane se pahle wo banda tutati chataan ke wajah se khai me gir jaata. Aaj Niranjan ko apna mobile naa lane ka dukh hua jo wo logo ke phone call se bachne ke liye chhor aaya tha. Nirajan ko dhyan aaya ki kisi aur wajah se usne 1-2 din pahle ek rassi ka bundle wheelchair ke box me rakha tha.

Niranjan ne jaldi se wo raasi us per se baandhi aur rassi ka sira niche latka diya. Usne wheel chair ko railing ke dewaar me iss tarah se adjust kiya ki wo niche naa gire. Phir Niranjan ne rassi ka dusra sira biker ki or uchhal diya. Us bande ne rassi ko apne kamar me baandh liya aur chilla kar Nirajan ko bataya. Phir Niranjan ne kis tarah use bahar nikala wo use khud bhi nahi pata chala. Iss waqt use lag raha tha ki jaise uske papa maut ke munh me phase ho aur use madad ke liye pukar rahe ho. Upar aane ke baad wo banda khoon ke adhik bahne se behosh ho gaya. Niranjan se gaur se dekha to paya ki wo ek adher sa banda tha jo side se dekhne par uske papa sa dikhta tha. Sayad yehi karan tha jiske karan Niranjan ko uske papa ki madad mangne jaisa laga tha. Nirajan ne jaldi se apne fisrt-aid box ki dawaio ki madad se uske maathe ke zakham se khoon bahne se roka. Ab musibat iss bande ko doctor tak le jaane ki thi. Bari muskil se Nirajan ne use wheel chair ke haatho par litaya aur use hotel ki aur lekar chal para. Raaste me hi usko uska vafadar driver mil gaya jo der hone se use dhoondhta hua aa raha tha. Phir dono ne us bande ko hospital tak pahunchaya. "
Arpita ne paani ka ek ghoont bharte hue apni baat puri ki.


"Bravo !! Nirajan ki himmat aur uske jajbe ko salam !!" Aparijita ki hontho se nikal para.


"Hospital me pata chala ki haddi tuti to nahi thi phir bhi biker ko 2-3 hafte hospital me hi rahna parega. Nirajan us bande se milne daily hospital jaata tha aur uske saath kaafi baaten bhi karta tha. Prashant naam ka yeh banda kaafi hasmukh aur dharmik pravirti ka tha. Niranjan jab uske paas hota to uske baato me apna saar gam bhul jaata. Paanchwe din jab Nirajan hospital pahuncha to waha ek geruya kapre pahne bilkul safed baalo aur daadhi wale sadhu ko baitha paya. Prashant ne unka parichay apne guru ke roop me karwaya. Unhone Niranjan ko bataya ki wo Prashant ko apne ashram me le jaane aaye hai jaha wo jari-bootiyo se 2 din me chalne phirne lagega. Niranjan ko unki baato par viswaas to nahi hua tha par Prashant ke israr par wo use discharge ki khana-purti karke apni car se unhe chhorne chal para. Us sadhu ne jungle me apna ashram bana rakha tha jaha car se utar kar Prashant driver ki madad se pahuncha. Ashram ka shaant vatavaran Niranjan ko bahut bhaya. Niranjan ke jor dene par use bhi waha kuchh din rukne ka permission mil gaya."


Aparijita ko lagne laga tha ki sayad yehi sadhu Niranjan ka guru hoga par usne pucchne ke vajaye kahani ko apne raftaar se hi badhne dene diya. Arpita jo paani ka ek ghunt bharne ko ruki thi aage batane lagi.


"Niranjan ka driver agle hi din Niranjan ka saman waha pahuncha gaya. Waha Niranjan ko pata chala ki inn sadhu ka naam koi nahi jaanta par jari-butiyo aur mantra-tantra par adhbhut pakar hone ke karan log unhe Adhbhutanand kahne lage aur yehi inka naam par gaya. Aascharyajanak rup se Prashant mantr-tantr aur jari-butiyo ke lep se chauthe hi din chalne-phirne laga. Niranjan ne usi saam Prashant ko sakuchate hue apne baare me Swamiji se baat karne ko kaha to Prashant ne bataya ki Swamiji ne khud hi use aaj raat 12 baje hawankund par akele aane ko kaha hai. Us raat Swamiji ne Niranjan ko hawankund ke jal rahi samidha ki pavitra rosni me uske pichhle jeevan ki kai tasweere dikhalyi or uski purvjanam me hui dosh ke baare me batlaya jiske karan uski yeh halat hui thi. Unhone use 3 mahine asharm me sadharn vayakti ki tarah rahne ko kaha aur aasha di ki sayad wo yaha se apne pairo par chal kar jaayega. "

Arpita ne apne shorta ki aur dekha jo kisi eisi chhoti bacchi ki tarah uski baaten sun rahi thi jaise koi bacchi naani maa se kahani sunti ho.


"Niranjan ne apne driver ko wapas bhej diya aur kisi sadharan insaan ki tarah waha rahne laga. Wo ashram me ho rahi gatividhiyo me shardgapurvak bhag lene laga. Saath me uska illaz bhi chal raha tha. Niranjan ko pata bhi nahi chala ki kab wo mantra-tantra me ruchi lene laga. 3 mahine pure hone ke 2 din pahle Niranjan ke pure sarir me lep laga ke use kuchh khash prakar ke paato ke bichhaban par leta diya gaya, phir uske upar se bhi kai dusre tarah ke patte daal diye gaye. 3 din baad jab lep utara to Niranjan apne pair ko hila paa raha tha. Agle ek hafte me wo dhhere-dhhere chalne bhi laga tha. Niranjan ne Swami Adhbhutanand ke paas pahunch kar use bhi apna sisya bana lene ke liye anurodh kiya. Niranjan ko unhone bataya ki wo use tabhi sisya banyege jab wo pratigya karega ki wo eisho-aaram ko chhor kar unke kaam ko aage badhayega. Niarnjan ke turant taiyar ho jaane ke baabjud unhone use 60 din ke baad phir se vichar karke aane ko kaha. Niranjan 60 din baad phir waha vapas lauta aur agle 3 saal tak Swami Adhbhutanand ke samadhi lene tak unse tantra-mantra aur jari-butiyo ka gyaan leta raha. Swami Adhbhutanand ne shaktipaad ke jariye use apni kai vidhya sneh ke rup me bhi di jiske liye Niranjan ko koi sadhna nahi karni pari. Swami Adhbhutanand ke samadhi ke baad wo Sonbhadra aa gaya aur apni saari property ko bech kar usne Ashram banya aur usne apne business mind ka use karke eisa bandobast kiya ki use kisi se chande ki jarrorat nahi rahi aur saath hi usne apne itne dino ke bafadar driver ko bari daulat di !!"


Ab tak Arpita aur Aparijita ka khana khatam ho chuka tha aur wo jhute bartan samet rahi thee.


"Apu, kuchh mahine pahle Aagnivesh ne kisi minister ko uske kisi galat baat par zalil karke apne ashram se nikalwa diya tha. Us minister ne khundak me CBI me complain kiya tha jiske karan uski CBI walo ne bhi kaafi jaanch-partaal ki, phir bhi unhe kuchh bhi galat nahi mila. Hamari abbhi tak ki jaanch me bhi wo paak saaf dikh raha hai par tumhari yaha ki reports kya kahti hai !!" Kitchen ke sink me bartan rakhte hue Arpita ne Aparijita se puchha.Haath dhoo kar dono drawing room me laute to Arpita ne sidhe bedroom me chalne ko kaha.


Bedroom me pahunch kar Arpita ne bed se mattress utar kar use zameen par bicha diya, jise dekh kar Aparijita ke hontho par muskan aa gayi.


"Aru, Yaha ke mukhbiro ya staff ne abhi tak use baare me koi negative report nahi di hai. Aur naa hi ki jaa rahi recording me kuchh sandehjanak mila hai. Sirf AK 47 waali baat us par sandeh ka karan bana hua hai." Aparijita mattress par baithe hue boli.


"Apu, maine uske ashram me rahne waale saare logo ki file check karwayi hai. Shera ke aalaba kisi ka bhi past bura nahi hai aur tumhe main bata chuki hoon ki kis paristhithi me Shera Aagnivesh se jura tha. Ho sakta hai ki isme Shera ka khud ka haath ho !!"


"Sayad tum theek kahti ho !! Kucch din unpar aur nazar rakhti hoon phir sidhe Shera se pucch-taach karungi. Are, tu uske kamar me tatto ke roop me likhe mantra ke baare me bhi batane wali thi !! "


will continue -->
______________________________
[My story] Sarfarosh
पोंछ कर अश्क़ अपनी आँखों से, मुस्कुराओ तो कोई बात बने ! सर झुकाने से कुछ नहीं होगा, सर उठाओ तो कोई बात बने !!
भेदभाव अपने दिल से, साफ़ कर सके| दोस्तों से भूल हो तो, माफ़ कर सकें|| हम को मन की शक्ति देना, मन विजय करें| दूसरों की जय से पहले, खुद को जय करें ||
खुसरो दरिया प्रेम का, उल्टी वा की धार। जो उतरा सो डूब गया, जो डूबा सो पार।। A drop of honey catches more flies than a gallon of gall. ~ Lincoln

Reply With Quote
Have you seen the announcement yet?
Page generated in 0.01593 seconds