The Mammoth Book of King Arthur
J Balvin - Safari ft. Pharrell Williams, BIA, Sky
Thread: Sarfarosh (Hindi)
View Single Post
  #898  
Old 10th May 2015
xxxdev's Avatar
I Love Mother Nature!
Visit my website
 
Join Date: 6th June 2009
Location: India
Posts: 37,477
Rep Power: 159 Points: 121418
xxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps database
Update 63

Aaj subah 9 baje wo saara maal buying party dwara bheje gaye truck me load karwa kar apne iss bulglow par aaya tha. Party ne naa sirf uske transportation ke jhamele se bachaya tha balki nagad payment bhi de gayi thi. Abbas ki buying party uske tailoring house ke management aur waha ke kuchh workers se baat karke bahoot prabhabit hui thi aur jaate-jaate wo pahle se bhi bara ek naya order de gayi thi.

Ab aage ...

Abbas ne Aparijita ke har swal ka imandaari se zabab diya. Abbas ki baato se Aparijita ke dimaag me kal ki ghatna ko lekar jo uski rai bani thi wo aur pukhta ho gayi thi.


"Abbas miya, aapne apni tailoring house ka naam Gaytri Fashions kyu rakh hai. Kya aapke saath isme koi aur bhi partner hai." Aparijita ne Abbas se bilkul alag brand name ke baare me puchha.


"Madam !! Maine yeh naam apni Gaytri maa ke naam par rakha hai. Aaiye main aapko unse milata hoon. " kahte hue Abbas utha aur niche bane ek kamre ki aur badh chala.


Aparijita bhi uske picche chupchap chal pari. Abbas abhi bahoot serious ho gaya tha.


Yeh ek chhota sa kamra tha. Waha self ke upar Urdo aur Hindi me kai kitabe rakhi thi. Waha ka arrangement dekh kar lagta tha ki us kamre ka istemaal Abbas namaz padhne ke liye karta ho.


Issi kamre ke ek diwal par ek bujurg mahila ki muskurati hui tasweer lagi hui thi. Mahila ke chehre par batsalya ka bhav saaf dekha jaa sakta tha. Us tasweer ki mahila ko dekhne se hi uski mamtamai chhaah me baithne ka jii chahne lag raha tha.


"Madam !! Aaap jo yeh tasweer dekh rahi hain wo meri Gaytri maa ka hai. Mere janam ke samay kisi bimari ki wajah se meri maa dudh pilane me ashamtra thi tab main Gaytri maa ke chhote bete ka saath unke doodh par pala tha."


Abbas ne tasweer ko pranaam karte hue kaha.


"Mere do-do ghar the. Gaytri maa ke pyar me mere liye aur apne sage beto Ram aur Shyam ke liye koi bhedbhaab nahi tha. Unke beto ne bhi mujhe wahi pyaar diya. Mere graduation ki padhai karte-karte aage-peeche mere ammi aur abbu dono ka intakaal ho gaya tha. Main aarthik mazboori ke karan padhai band karne waala tha par Ram bhaiya ne saari zimmedaari utha li. "


Abbas ne self par rakhi ek adher umar ke vyakti ki tasweer dikhate hue kaha.


"Graduation ke samay hi Sonbhadra me ek ek NGO ne Fashion Technology me subsidiary course karane ke liye ek competition rakha. Ram bhaiya ke jor daalne par maine bhi usme bhaag liya. Mujhe competition me 1st prize mila aur saath me Sonbhadra ke naami Fashion Technology Institute me admission lene ka mauka bhi. NGO se madad milne ke baad bhi kafi kharch tha; fees ke aalaba bhi daily aane-jaane me lagne waale samay ko bachane ke liye Sonbahdra me rahna parta. Inhi baato ke karan maine admission lene se mana kar diya tha."


Abbas ne Aparijita ki aur ek pal ko chupp hokar dekha. Wo dekhna chahta tha ki Aparijita sun bhi rahi hai ya phir bor ho rahi hai. Aparijita ke chehre par Abbas ki kahani sunane ke liye utsukta dikh rahi thi jo Aparijita ke vayvahar-kusulata thi jo saamne waale ko apna dil khol kar rakh dene ke liye mazboor kar deti thi.


Abbas ke bolne ke lahje aur uske chehre ke bhaav bata rahe the ki wo apne Gaytri maa aur Ram bhaiya ko kitna chahta hai. Aparijita jaisa shorta paake Abbas ko accha lag raha tha. Aaj bahoot saalo baad wo kisi se dil khol kar baaten kar raha tha.


"Jab Ram bhaiya ko yeh pata chala to wo mujhe kaan se pakar kar Gaytri maa ke paas le gaye. Main unke upar aur bhojh nahi banna chahta tha par Gaytri maa ne mujhe pyaar se mana hi liya. Ant me decide hua ki Shyam aur main Sonbhadra me hi rah kar padhenge aur har 2 hafte me ghar aayenge. Ram bhaiya ne saara intzaam kar diya aur hum dono bhai Sonbhadra me rah ke padhne lage. Graduation khatam hote-hote fashion technology ke area me Sonbhadra aur UP ke kuchh area me mera kuchh naam hone laga tha."


Abbas baat karte-karte kho sa gaya. Lag raha tha jaise uske aankho ke saamne wo waqt phir se ji utha hai.


"Mujhe aaj bhi wo din yaad hai jab mujhe Mumbai ke ek bare fashion designer Promod Das ke paas se job ka offer aaya. Ram bhaiya ne pure gaun me mithaiyaa baati thi. Main inlogo ko chhor kar jaane ko taiyar nahi tha par Gaytri maa aur bhayio ne mujhe mana hi liya. Mumbahi me mera hunar aur nikhra aur main kaafi rupaiye kaamane laga. Upar waale ke mehar se mujhe eisa maalik mila jisne naa kewal mere hunar ko nikhara balki family member ki tarah izzazt di. Maine dekha ki Promod babu saare employees ka kaafi khayal rakhte the aur kisi tarah ki musibat me apne employees ke saath khare rahte the. Rupaiye aaye to thora main bahka bhi. Fashion industry ke khulepan me main sarab pine aur larkibaazi bhi karne laga. Phir bhi main bahoot niche girne se Gaytri maa aur ram bhaiya ke payaar se di gayi sikh ki wajah se bach gaya. Maine apna niyam bana liya tha ki kisi bhi larki ko mazboor karke sex nahi karunga aur naa hi kuchh eisa karunga jis se kisi ka ghar tute."


Abbas aur Aparijita ab tak wapas drawing-room me aa chuke the.


"Usi dauran ek baar main bina bataye ghar aa gaya. Jab bhi main bata kar aata tha tab Ram bhaiya aur Shyam mujhe Sonbhadra se leke jaate the. Sonbhadra se Premnagar waali aakhri bus me main baith tha. Bus ke andar sirf ek hi bulb jal raha tha; jiski rosni mere taraf ke hisse ke liye naakaafi tha . Tabhi maine 2 logo ko baaten karte suna ki Ram bhaiya ne meri padhai ke liye bank se karz liya tha par iss baar fasal kharab ho jaane ke kaaran thora paresaan hain. Main apni aaiyashio par rupaiye kharch karta raha jabki mere liye inlogo ne itna tyag kiya jabki main unka saga bhi nahi tha. Yeh sab sochte-sochte mujhe rona aa gaya. "


Abbas ke chehre bahoot ghambhir ho gaya tha. Uske chehre par ke bhaab bata rahe the ki iss baat ka gila use abhi tak hai.


"Dusre din maine Shyam ko kasam deke puccha to pata chala ki mere padhai ke aalaba bhi Gaytri maa ke ilaaz aur kuchh kheti ke liye karz liya gaya tha; jo ab bara ho chuka hai. Mujhe yeh baat pata chal gayi hai; yeh maine Shyam ko aur kisi ko naa batane ke liye mana liya. Mumbai laut kar main aur zor-sor se kaam me jut gaya. Ab main 16-16 ghante kaam kar raha tha aur iss bich mere kuchh designs ko award bhi mila. Award milne ke baad mujhe dusre jagah se kaam karne ke liye offer mile. Par maine bhi aur jayadatar employees ki tarah offer thukra diya tha. Mujhe ek bujurg employee ne bataya tha ki rupaiyee dusre jagah bhale kuchh jyada mil jaaye par apnapan aur izzazt yaha jaisa kanhi nahi milega. Aur upar se award milte hi Promod babu ne ek party di thi aur meri salary turant badha di thi jo naye offer se thora hi kam tha. Inn rakamo se maine 1.5 saal ke andar hi karz ka bara hissa chuka diya. Halaki maa aur Ram bhaiya mujhse rupaiye nahi lena chahte the par maine unhe kisi tarah mana hi liya. Fasal acchi hone se ram bhaiya ne baaki karz bhi utaar diya."


Abbas itna kah kar kuchh der tak der ke liye chup ho gaya. Mahool kafi sanjida ho gaya tha.


"Abbas Miya, phir aapne yaha kaam kaise suru kiya?" Aparijita ne baat-chit ko aage badhane ke liye Abbas ko atit se bahar nikalte hue puchha.


"Main yaha har Eid , Holi aur Diwali me Mumbai se jarror aata tha. Eise hi ek mauke par Gaytri maa ne mujhe Abhaipur me kaam suru karne ka sujhab diya. Unhone mujhe samjhaya ki bhale hi mujhe yaha Mumbai jitni aamdani suru me nahi hogi paranto yaha main apne saath-saath gaun ka bhi bhala kar paayunga. Unhone mujhse iss par sochne ke liye kaha. Main jaanta tha ki sujhab bahoot hi accha hai lekin koi kharid-daar naa hone ki wajah se yeh mumkin nahi lag raha tha. Isliye maine unhe bataya ki agar koi kharid-daar mil gaya to main yaha kaam suru karunga. Ram bhaiya ne bhi kai jagah baat ki par baat nahi bani. "


Abbas kucch pal ke liye chup hua. Usne apne gale me latkte hue chaandi ke chain ko baniyan se bahar khicha aur usme latak rahe ek locket ko chum liya.


"Holi ke 3 mahine baad hi ek din aachanak Ram bhaiya ka phone aaya. Unhone bataya ki gaun lautate waqt bus ka accident ho gaya tha aur usme Gaytri maa aur Shyam buri tarah se zakhmi hue hai; isliye main jitna jald laut sakta hoon, lauto. Main ghabaraya hua sa Promod babu ke paas gaya to unhone bahoot kaam hone ke baabjood naa sirf mujhe chhuti di balki plane me ticket bhi book kara diya. Phir plane se main Robertsganj aur phir waha se car se Sonbhadra aaya jaha saare ghayalo ka illaz chal raha tha. "


Baat karte-karte Abbas ke aakho se aanso ke kuchh bunde ludhak pari.


"Mere pahunchne ke aadhe ghante ke andar hi Shyam ne hamara saath chhor diya. Abhi hum aanso baha bhi nahi paaye the ki doctors ne hume bataya ki Gaytri maa ki bachne ki umeed nahi hai isliye hum uske paas rahe. Ram bhaiya aur main apne aanso chhupate hue maa ke paas pahunche. Gaytri maa ka chehra safed parta jaa raha tha. Unhone issare se hume apne paas bulaya aur apni tutati saanso me hume ek dusre ka saath dete rahne ko kaha aur mujhe gaun me kaam suru karne ke liye koi raasta dhudhne ko kaha kar apni aankhe hamesa ke liye mund li. Main ek baar phir se aanath jaisa mahsoos kar raha tha."


Abbas ke aankho se ab lagatar aaso bahe jaa rahe the. Aparijita ne bich me tokna thik nahi samjha. Usne saatwanapurwak uske peeth par haath rakha.


Thori der baad Abbas ka rona band hua. Usne uth kar kuchh ghuth paani piya aur phir laut kar apni kahani ko aage badhya.


"Anatim sanskar ke saari kriya ke baad bhi main Mumbai wapas nahi jaana chahta tha. Main saara-saara din chup-chaap baitha rahta tha. Ram bhaiya ne samjha-bhuja kar mujhe Mumbai bhej diya. Main Mumbai aake bhi yeh soch-soch kar udas rahne laga kii main apni Gaytri maa ki ek icchha bhi puri naa kar paya. Halaki mere daily ke kaam me koi kami nahi aai thi phir bhi Promod babu se yeh baat chhupi hui nahi thi. Ekdin unhone mujhe bula kar wajah pucchi to maine unhe bataya ki mujhe Gaytri maa ki khawhish naa pura kar paane ka dukh khaaye jaa raha hai. "


Abbas ek photo album utha laya aur ek adher umra ke vaykti ki or isshara karte hue batane laga.


"Yehi Promod babu hai. Promod babu ne kuchh der tak mujhse puchh-taach ki; kanhi Mmbai ki tej jindgi se gaun ki slow jindgi me jaakar ub kar main bhaag to nahi aayunga. Apna business suru karne par suruaat me bahoot takleef uthani parti hai; use main kaise handle karunga etc. etc. Meri saari baaten sunane ke baad unhone meri peeth thapthapai aur mujhe 2 din baad aane wali rest ke din bhi kaam par aane ko kaha. Unhone kaha ki agar upar waale ki dua rahi to mere rest waale din koi raasta nikal aayega. 2 din baad jab main unse mila to unhone mera parichai Sonbhadra ke ek buyer se karwaya jo Promod babu ka client tha aur saath me apne dusre show-rooms ke liye low budget e range ke readymade kapre dusre stores se leta tha. "


Abbas ki kahani kisi pari katha jaisi lag rahi thi jisme ek saath kai acche logo ki kahani thi.


Abbas chand seconds ke liye chup hua aur gaur se Aparijita ke chehre ki or dekhne laga, jaha is waqt kahani aage sunane ki utkantha dikh rahi thi.



"Aage kya hua, Abbas miya ?" Aparijita puchh baithi.


"Promod babu ke grantee par mujhe low budget waale readymade kaparo ka order mil gaya. Saath me Promod babu ne bhi kuchh order diye. Pahle to main ek saath itna saara orders dekh kar khush hua phir mujhe un orders ko pura karne ke liye machine aur baaki mahangi chhezo ko kahridane ke liye jarrorat parne waali rakam ka dhyan aate hi pasina chhut gaya. Maine Ram bhaiya ko orders ke liye batya to wo bahoot khush hue aur jaroorat ki rakam ke liye aashwasan diya. Bahoot haath-pair maarne ke baad bhi 2 lakh ki rakam ghat rahi thi. Promod babu ne mujhe 2 lakh bhi de diye aur mujhe unke saath milkar design karte rahne ko kaha. Promod babu aur Ram bhaiya ki madad se maine kaam suru kar diya. Suru me kaafi kaarigaro ko Sonbhadra se jayada vetan deke rakhna para aur yaha ki silai jaanane waali aurato se halka kaam liya. "


Yeh batate-batate Abbas ke chehre par phir se muskaan aa gayi. Yeh sabhawik bhi tha; har kisi ko apne kathin parishram se milne waali jeet par khushi mahsoos hoti hai.

will continue -->
______________________________
[My story] Sarfarosh
पोंछ कर अश्क़ अपनी आँखों से, मुस्कुराओ तो कोई बात बने ! सर झुकाने से कुछ नहीं होगा, सर उठाओ तो कोई बात बने !!
भेदभाव अपने दिल से, साफ़ कर सके| दोस्तों से भूल हो तो, माफ़ कर सकें|| हम को मन की शक्ति देना, मन विजय करें| दूसरों की जय से पहले, खुद को जय करें ||
खुसरो दरिया प्रेम का, उल्टी वा की धार। जो उतरा सो डूब गया, जो डूबा सो पार।। A drop of honey catches more flies than a gallon of gall. ~ Lincoln

Reply With Quote
Have you seen the announcement yet?
Page generated in 0.01609 seconds