SearchCyberLink Powe
business controlled assesment - 1344 Words
Thread: Sarfarosh (Hindi)
View Single Post
  #388  
Old 16th November 2014
xxxdev's Avatar
I Love Mother Nature!
Visit my website
 
Join Date: 6th June 2009
Location: India
Posts: 37,471
Rep Power: 159 Points: 121343
xxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps database
Update 26

Ab tak aapne padha
Ramdayalji ekdam shocked baithe rah gaye . Unhone to koi offer bhijwaya hi nahi tha. Wo to Javed ka munh tak rahe the ki Javed kaisi besir-pair ki baat kar raha hai.
“Inhone 30 lakh ki rakam gaun ke liye diye hai. Wo rakam humne gaun ki awadi aur jaroorat ke hisab se panchayat me meeting karke paancho gaun me baat di hai. Hum gaun wale mehnatkash log hai; islye hum shramdaan deke iss rakam se kaafi kaam kar lenge. Jab Ramdayal kaka ne apni gadhi pasine ki kamai hume di hai to humara bhi farz banta hai ki hum bhi kuchh pasina bahaye aur unke khun-pasine ki kamai ka maan rakhe!"


Ab aage ...

Javed khan takriban 20-25 minute gaun walo ki ekta, himmat aur Ramdayalji ki tarif karata raha. Jaise hi uska bhasan khatam hua gaun walo ne Ramdayalji ko kandhe par utha liya aur charo taraf “Ramdayalji Zindabad ” ka naara lagme laga.


Ramdayal Aparijita ka karnaama dekh kar aascharyachakit the. Unhone to samjha tha ki Aparijita ne fees ke taur par 30 lakh rakh liya hai ; halaki iske liye unhe koi malal nahi tha kyoki usne unke bete ki jaan bachayi thi. Par Aparijita ne to unhe logo ke bich nayak bana diya tha. Aaj eise-eise log bhi aakar uski tarif kar rahe the jo peeth piche unki burai karte the. Aur Ramdayalji ke anubhavi nazaro ne pehchaan liya tha ki ye prasansa dil se ki jaa rahi hai. Unke bund hontho se Aparijita ke liye duaye nikal rahi thi aur us undekhe neeli chhatriwale ke prati sar shradha se jhunk raha tha jisne yeh din dikhye hai.


Yaha ho rahi saari ghatna ki detail meeting me mauzud Gopu ne Aparijita ko de di thi. Halaki wo nahi jaanta tha ki 30 lakh ki rakam Ramdayal ne nahi bali Aparijita ne Ramdayal ke naam se Javed Khan ko di hai. Kafi logo ne Javed se janana chaha tha ki wo kaun tha jiske jariye Ramdayalji ne rakam bhijwayi thi. Par Javed ne kisi ko bhi nahi bataya ; usne sirf kaha ki yeh us bande ki iccha thi ki uska naam kahi naa aaye aur uska raaj sirf Ramdayal aur wo jaante hai.


Idhar Aparijita, Arpita aur Arvind ki aage ki planning chal rahi thi.


“Tumne to kamal kar diya. Itni jaldi pure illake me apni chhap chhor di.” Arpita ne Aparijita ki pith thapthapte hue kaha.


“Nahi, isme mere karnaame se jayada situation ka haath hai. Maine dusra plan socha tha jisme 1-2 mahine ka samay lagta, par Ramdayal ke bete ke apharan ne oppurunuty di to maine uske ird-gird hi apna plan bana liay aur achanak se saari cheeze theek ho gayi. Maine isi mauke ka fayada utha kar Javed ko Ramdayal ke 30 lakh se gaun me kaam karwane ke liye de diya. Maine saath saath Javed ko yeh Idea bhi sarka diya ki agar gaun wale kuchh kaamo me apna shram-daan kare to limited rupayo se jyada kaam liya jaa sakta hai. Tum log dekh lena sirf 30 lakh ki chhoti rakam me inn pancho gaun me itna kaam hoga , jitana govt 1 karor ke fund se nahi kar paati.” Aparijita ke antim sabdo se dridta jhalak rahi thi maano wo 100% jaanti ho ki gaunwale yeh kar ke dikhayenge .


“Yaar !! Tu to jaroorat se jayada moderate ban rahi hai. Jis taraf se tumne iss ek opportunity se itne kaam nikal liya , uski tarif to banti hi hai." Arpita ne apne haanto me Aparijita ke haanth thaam liya aur thapthapate hue kaha.Iske baad Arpita Arvind ko Aparijita ke kaarnaame ke baare me batane lagi.


" Arvind dekho Aparijita ne iss mauke se kitne kaam nikal lia

Number 1, usne thane ke saare staff ko apne saath kar liya. Ab wo log Aparijita ke liye apni jaan bhi de sakte hai.

Number 2, Javed Khan jaisa banda iska murid ban chuka hai. Javed khan ke favor me hone se gaun walo ka saath mil jayega. Agar kal ko koi baat bigrati bhi hai to Javed gaun walo ko sambhalne me kaam aayega.

Number 3, Ramdayal ek baar phir gaun se jur gaya hai aur Aparijita ka aaj ke date me sabse bara fan ban gaya hai. Ramdayal ko hum indirectly Sarfarosh se jure kaamo me aage madad lenge.

Number 4, Javed ke dawara gaunwalo ko khabardaar kiya jaa chuka hai ki kuchh log yaha ashanti phailana chahte hai aur aaj ke date me police se jayada gaun wale chaukanne hai.

Agar tum gaur karo to Aparijita ne jo kaam hafto me kar diya wo humne socha tha ki mahine lagenge.”


Arpita ke sabdo me chaplusi nahi thi balki wo proud tha jo kisi ke apne dost ke acche kaam karne par dil se nikalti hai.


“Madam ! Aapne Gopu ko kaise raaste par laya. 2-3 din pahle mai us se mila tha to wo kaafi khusmizaz dikh raha tha.” Arvind ne Aparijita se puccha to Aparijita aur Arpita dono ke chehre par muskan daur gai.


“Gopu ko raaste par laane me mujhse jayada khud uska haath hai. Koi bhi banda depression se bina apni iccha sakti ke bahar nahi sakta hai. Fir isme Arpita ka bahut bara yogdaan hai.”


“madam !! Jara detail me bataye !!” Arvind ne utsukta dikhate hue kaha.

Aparijita ne muskura kar batana suru kiya.

“Mai pahle hi din me samajh gayi thi ki wo kafi had tak apne nirasa se apne saathiyo ki madad se bahar aa chuka hai. Ab use bas thora iss tarah se push karna tha ki wo khud par niarasa habi na hone de. Ye to tum jaan lo ki jab tumhare dimag me pahli baar nirasa ki lahar sar uthane lage aur usi waqt tumne use apne positive thinking se rok diya tab to tum uspar kabu paa sakte ho nahi to wo tumhe apne saath baha le jaati hai. Isko tum iss tarah samjho, tumne saant pani me ek kankar pheka tab dekhte ho ki pahle ek chhoti se circle banti hai aur phir wo circle paani me badhti chali jaati hai. Aur agar tum us chhoti lahar ko pahle hi khatam kar dete ho to ye failab nahi hota. Isliye yeh jaroori hai ki dimag me jab bhi eisi koi nirasa ki lahar sar uthane lage to hum use suru me hi kuchal de." Aparijita ne Arvind ko samjhate hue kaha jispar Arvind ne sar hila kar apni sahmati jatayi.

"Gopu ko maine pahle to uski manpasand hobby gaane se jorna suru kiya. Wo ek budhimaan insaan hai; isliye use sidhe-sidhe advice dene me uske samajh jaane ka khatra tha. Ek din jab wo mere saath jungle ke aas paas tha tab maine waha ek sare hue paani ka ek chhota gaddha dekha aur paas hi ek saaf pani ki naali bah rahi thi. Maine mauke ka fayada uthaya.”


Itna kah kar Aparijita muskurate hue Arpita ki aur dekhne lagi.


“Wo aapne kaise kiya madam !!” Arvind ne utsukta se puchha !!

Arpita bhi muskurati hui Arvind ki utsukta dekh rahi thi. Phir Aparijita ne Arvind ko saari baate batane lagi.


"Main paani ke gaddhe ke paas ruk gayi aur gaur se pani ko dekhne lagi."


Gopu mujhe ruk kar paani ko dekhta paakar mere paas aa gaya.


“Madam aap paani me kaya dekh rahi hai.” Gopu ne aascharya bhare swar me puchha.


Main thori der chuup rahi phir sochne ki acting karte hue boli.

“Main dono jagah ki paani ko dekh rahi thi to laga ki prakirti mujhe iske jariye kuchh batana chah rahi hai. Aur abhi-abhi mujhe pata chal gaya ki wo kaya batana chahti hai.”


“Mujhe bhi bataye madam !! Aapko paani ne chupke se kya bata diya” Gopu ne muskurate hue puccha.


“Yeh behta hua paani kah rah hai; hum dono ko dekho; pahle hum ek jaise hi the. Wo wahi thahar gaya aur dhire dhire sar gaya jabki mein nirantar bahte rahne ke karan aaj bhi theek hoon. Yehi Insano ki jindgi ke saath bhi hai. Jo baato ko pakar kar baith gaya uska jeevan us paani ki tarah sarne lagta hai par jo hamesa waqt ke saath aage badhta rahta hai to uska jeevan bhi nayi uchayio ko chhuta rahta hai. Mujhe to lagta hai , Gopu ki agar hum prakirti ko karib se dekhe to wo hume wo kitabi gyan se jayada sikha sakti hai. Tumhara kaya vichar hai.”


“us din to Goup sirf sar hila kar rah gaya tha par main jaanti thi wo iss par jaroor gaur karega. Phir dusre din maine Arpita dwara liya gaya ek number Gopu ko diya aur bataya ki yeh number mere ek saheli ke bhai ka hai jo ek train accident me apna pura pariwaar kho chuka hai. Iss baat ka bahut darr hai ki kanhi wo koi galat kadam naa utha le. Uska main Gopu se parichay karana chahti ho taaki Gopu use Jeevan se ladne me salah de sake. Pahle to wo nahi maana phir maine uske bhale nature aur dusri cheezo ka baasta dekar taiyar kara liya. Phir aage Gopu ko Arpita ne sambhal liya jo us se mard ban ke baat karti thi. Iski detail tumhe Arpita hi batayegi. ”


Aparijita ne ball ko Arpita ke khane me daal diya.


“Main usse din me kai baar phone karti thi aur roti rahti ki main sucide kar lungi mujhe charu taraf andher najar aata hai bagaira-bagaira ... Ek hafte me mujhe depression se nikalne ke liye usne mujhse bahut baaten ki aur kaise depression se lare iss par usne kai saare jhute sacche kisse bataye. Usse pata hi nahi chala ki kab mujhe help karte karte khud uski jindgi se depression chala gaya aur Jindgi ke prati uski soch bhi badal gayi. Main bhi dheere dheere use yakin dilane lagi ki us se baaten karke main pahle se behtar mahsoos kar rahi hoon. Jab Aparijita se mujhe signal mila tab maine use bataya ki mera jindgi ke baare me najariya badal gaya hai aur main ek baar fir se jindgi ke aankho me aamho me aankhe daal ke apna jeevan jiyunga aur iske liye naye job ke liye main kuchh saalo ke liye kaam ke liye videsh jaa raha hoon. Uske baad us sim ko maine destroy kar diya.” Arpita ne muskurate hue kaha.


“Waah ! Madam aap dono ne gajab ka plan banaya tha.” Arvind khud ko taali bajane se nahi rok paya.


“Chalo ! Purani baaten bahoot hi gayi. Ab kuchh aage ki planning kar len. Encounter baali bakye se ek baat aachi hui ki ab gaun wale bahari logo ke baare me jayada satark rahenge aur police ko unki turant khabar karenge. ” Aparijita ne baat ko morte hue kaha.


will continue -->
______________________________
[My story] Sarfarosh
पोंछ कर अश्क़ अपनी आँखों से, मुस्कुराओ तो कोई बात बने ! सर झुकाने से कुछ नहीं होगा, सर उठाओ तो कोई बात बने !!
भेदभाव अपने दिल से, साफ़ कर सके| दोस्तों से भूल हो तो, माफ़ कर सकें|| हम को मन की शक्ति देना, मन विजय करें| दूसरों की जय से पहले, खुद को जय करें ||
खुसरो दरिया प्रेम का, उल्टी वा की धार। जो उतरा सो डूब गया, जो डूबा सो पार।। A drop of honey catches more flies than a gallon of gall. ~ Lincoln

Reply With Quote
Have you seen the announcement yet?
Page generated in 0.01635 seconds