Terms of Use
Like Me Magazine issue 2 2012 Blue Nan
Thread: Sarfarosh (Hindi)
View Single Post
  #309  
Old 29th October 2014
xxxdev's Avatar
I Love Mother Nature!
Visit my website
 
Join Date: 6th June 2009
Location: India
Posts: 37,477
Rep Power: 159 Points: 121418
xxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps database
Talking Update 21

Ab tak aapne padha

Wo badmas kuchh bole bagair hi dher ho gaya ; uski aankhe aachrya se khuli hui thi jaise use vishwas hi nahi ho raha ho ki maut eise bhi aa sakti hai. Picche se aahat sun kar Rani picche mur kar abhi dekhna hi chahti thi ki Aparijita ki hatheyilo ne uska munh bheench liya.
Ab aage ...

Idhar Ghanshyam aur Amit ke saath saath Rohit bhi jeep tak phunch gaye tha. Rohit ne darwaja khol kar mare hue badmas ko niche gira diya . Ghanshayam aur Amit tab tak dusre gate ke kareeb aa chuke the.


Ghanshayam aur Amit ne mil kar larke ko bahar nikala jo sadme me jaise jam sa gaya tha. Ghanshayam ne use apne kandhe par daala aur kheto ke andar bhaga . Aparijita ne Rohit ko bhi unke peeche jane ka issara kiya.


Idhar jab Ghanshyam aur baaki log larke ko nikal rahe the tab tak Aparijita ne gate khol kar Rani ko sarak par khinch liya tha. Rani bhi larna jaanti thi wo Aparijita se ghuttam ghutha ho rahi thi.


Aparijita ka chaku bhi wahi gir gaya tha. Rani chilla kar apne ssathiyo ko husiyaar karna hi chahti thi ki Aparijita ne uske munh par apne haath jamate hue uske gardan ko ek jhatke me kakri ki tarah tor dala. Usne jeep ke khule darwaje ki taraf dekha to use waha rupayo se bhara bag dikha jisse usne turant nikal kar khet ke andar phenk diya.


Pata nahi kaise Jaaga ne kisi karan se pichhe mur kar dekha to usne Rohit ko Amit ke picche larke ke saath bhagte hue dekha.


Rohit ne jaroorat se jayada hi samay le liya tha. Ghanshyam sabse aage tha; uske pichhe Amit tha jo Ghanshyam ko cover kar raha tha. Rohit ko Aparijita ne Ghanshyam aur Amit ki help ke liye unke peeche bheja tha taaki wo sab jaldi wapas aa sake. Par Amit ne murkho ki tarah jeep ke pichhle hisse ke paas mare badmaas ki gun uthaya aur mare hue badmaas ke belt me lage magazine ko nikalne laga. Usne itna bhi khyal nahi kiya ki yeh kaam thora aut leke kare; uska sirf sar hi jeep se chhipa tha.


Jagga ne turant goli chalani suru kar di aur ek goli us Rohit ke jaangh ko pharti hui nikal gayi aur wo wahi gir para aur dusri goli uske sar ko chhu kar gujar gayi. Sar par lagi chot ke karan wo hosh khone laga tha. Aparijita ne jaise hi Rohit ko girte dekha wo turant apni revolver se goli chalati uske taraf bhagi. Aparijita Rohit ke paas pahunchi aur use apne kandhe par daala. Aparijita ne ek chhalang lagaya aur use le kar khet me ghus gayi.


Jagga aur uske dono sathi goli chalate jeep ki taraf bhage aa rahe the. Aparijita teji se khet ke andar chuupi bike ki taraf bhagi. Wo ruk ruk kar picche goli bhi chala rahi thi.


Idahr charwahe ke paas chhipa Arjun bhi jeep ki taraf goli chalane laga. Aparijita ki furti dekh kar uske kandhe par para Rohit aacharyachakit tha. Wo use kandhe par daale eise daur rahi thi ki jaise usne apne kandho par koi phulo se bhari tokri rakhi hai. Amit bhi badmaaso ko rokne ke liye un par bich bich me goli chala raha tha.


Teen taraf se khud par goli chalte dekh Jagga phir inke picche khet me aane ki himmat nahi kar saka. Wo sab jeep me baith kar aage bhage. Jagga ne driver ki seat sambhali hui thi aur Rani aur baaki 2 saathiyo ki laas jeep ke pichhle hisse me rakhi thi. Jagga ke saath aage Kallo baitha tha jabki bich wali seat par Kallo ka bhai baitha tha.


Aparijita ne kheto me bhagte hue Japu ko phone kiya.


“Japu !! Ramdayalji ke larke ko chhura liya gaya hai . Par Rohit zakhmi ho gaya hain. Isliye larke ke saath baki log gaun jaa rahe hain. Abhi main unke peeche aa rahi hoon. Baaki log peeche se aayenge. Tumlog jeep se nahar wale pool ka raasta band kar do aur position le lo. Jaise hi unki jeep aate dikhe to uske tyres ko burst kar dena aur unhe rokne ki kosis karna. Jeep me is waqt sirf 3 hi badmaas hai.”


Idhar Aparijita aur uske saathi apne bikes ke paas phunch chuke the. Aparijita ke kandhe par para Rohit tab tak behosh ho chuka tha.


“Plan me thori tabdili hai. Ghanshyam aur tumlog larke aur Rohit ko gaun me surakshit pahuncha kar teji se nahar wale pool par aao. Main waha ja rahi hoon.” Itna kah kar Aparijita teji se Javed wali motorcycle ki aur bhagi.


Idhar Ghanshyam aur Ramdayalji ka larka moped par the. Amit aur Arjub behosh Rohit ke saath bike par chal pare. Unki manjil 500 meter ki duri par khare gaunwalo tak thi; wo Rohit aur Ramdayal ke larke ko unke hifaazat me chhor kar nahar wale pool tak jald se jald pahunchna chahte the.


Aparijita ne sarak ka raasta chhor diya tha aur kheto ke mer par apni bike teji se bhaga rahi thi. Patli mer par bike bhagane me kafi dikkat ho rahi thi.


Patli mer par utni speed me bike chalana sab ke bas ki baat nahi thi ; iske liye skill, himmat aur concentartion ki acchi taalmel ki jaroorat thi. Jeep ko nikale kuchh minute bit chuke the ; isliye use pakarne ke liye shortcut lene ke aalawa koi chaara nahi tha. Motorcycle rah rah kar 1-1 feet uchhal jaati thi par Aparijita ke chehre par koi sikan bhi nahi dikh rahi thi.


Idhar Gopu aur Dinesh ek dusri musibat me phas gaye the jiske karan wo Japu ke paas nahi phunch paaye the. Nahar wale pool se kuch peeche hi unki motorcycle ki chain tut gayi aur dono jhatake se sarak par gir pare. Dono mamuli taur par ghayal bhi the. Dinesh ka mobile sarak ke paas ki jhariyo me gum ho gaya tha aur Gopu ka phone accident ki vajah se band ho gaya tha.


“Dinesh ! Mera to phone hi band ho gaya hai aur tumhara mil hi nahi raha hai. Idhar motorcycle bhi chalne ki halat me nahi hai. Japu aur Suresh hamara wait kar rahe honge aur yaha hum unhe khabar bhi nahi de sakte hai.” Gopu ne karahte hue kaha.


“Gopu bhai. Plan ke mutabik hume unke sath milkar badmasso ko saamne se gherna tha aur madam log peeche se gherti par hamare naa pahunchne se Japu aur Suresh kamzor par jayenge.”


“Chhor sarak ko ! Hum in pangdandiyo se chalkar Japu tak pahunchenge. Hum unhe akela nahi chhor sakte. ” Gopu ne Dinesh ko ek pangdandi dikhate hue kaha.


Phir dono ek dusre ko shahara dete hue uthe aur apne hatiyar sambhale pangdandi par langrate hue bhage. Dono ko taaja bane zakhmo se dard ho raha tha par Japu aur Suresh ki chinta uss se badh kar thi aur yehi unhe iss halat me bhi bhaga raha tha.


Idhar jeep nahar ke pool tak pahunchni hi wali thi. Japu aur Suresh ne Jeep pool ke anadar pahunchane ke raaste par khari kar di thi aur position leke Jeep ke peeche khare the. Aparijita bhi khet ke raaste se waha bas pahunchne hi wali thi.


“Saala !! Ekbaar mujhe yaha se nikal jaane de phir ek ek police walo ko marunga. Haramzado ne bari husayari dikhayi. Pahle to saala main road se kacche raaste par bhej diya aur phir janwaro se raasta block karke launde ko churra liya. Rani aur 2 sathiyo ko bhi maar diya. Upar se rupaiye bhi haath se nikal gaye.” Jagga jeep chalata hua barbara raha tha.


Tabhi use door nahar ke pool par police jeep khari dikayi di.


“Saalo !! Apne ko bahut bara ser samajh rahe ho. Abhi dikhata hoo ki Jagga se panga lene walo ka mai kya haal karta hoon. “ Jagga gusse se chillaya.


Jagga ke issare pe Kallo ke bhai ne Jeep ke picchle hisse me rakhe ek bare se bag se 3 AK47 nikale aur revolver kamar me ataka kar sabne 1-1 AK47 utha li. Larke ko jald se jald nikalne ke chakkar me Aparijita aur uske saathiyo dwara jeep ke pichhle hisse ki talasi nahi li gayi thi. Aparijita ko rupaiyo se bhara bag bhi mil gaya tha aur iske baad kuchh karne se pahle hi Rohit ki bewabkufi ke karan use waha se hatna par gaya tha.


"Tum dono seat ko jor se pakar lo. Main police wali jeep me side se jor se takaar mar kar raasta clear karunga aur raasta khali hote hi tumlog police walo par goliya chalana suru kar dena.” Jagga dant piss kar bola.


Suresh ne jeep khari karne me thori galti kar di thi. Jeep pool ke andar ke taraf se naa khara ho kar pool ke saamne aara khara tha jiske karan agar use thora sa dhakel diya jata to pool ka raasta clear ho jata par isme ek fayda ye tha ki jeep ke peeche position lene ke liye kafi jagah thi .


Suresh ne Gopu aur Dinesh ko dhyan me rakh kar eisa kiya tha par Gopu ke naa pahunchne par wo jeep ko pool ke andar ghusane ke liye soch hi raha tha ki badmaso ki jeep aandhi toofan ki taraf aati dikhayi di to usne bhag kar jeep se door bhagne ki kosis ki.


Jeep toofani raftaar se unki taraf jhapti aa rahi thi. Japu ne ek per ke peeche se raaste par nisaana laage baitha tha. Usne turant hi jeep par goliya chalana suru kar diya. Usi waqt Jeep ke dahine taraf se kheto ki mer par motorcycle lagbahg urati hui Aparijita bhi dikhayi di.


Japu ki chalyi kai goliya jagga ke aas paas se gujari . Suresh ne bhagte bhagte goli chalayi jo Jagga ke kandhe me jaa ghusi ; par usne apni raftaar kam nahi ki. Jagaa ne police jeep me tej dhakka mara jiske karan jeep pool ke raaste se thora hat ke khare do pero ke beech phas gayi.


Jeep ke piche position liye Suresh iss jhatke me door ja gira. Uske dahine haanth aur mathe par chot aayi. Suresh ke haath se gun nikal kar gir para aur police jeep ke niche dab gaya . Suresh ko sar par lagi chot ke karan andhera dikh raha tha aur wo teji se apna hosh khota jaa raha tha. Japu daur ke Suresh ke paas pahuncha aur use khasit kar apne taraf le aaya.


Jagga ne apni jeep thora pecche karke pool se nikalne ki kosis karne laga ki tabhi dahine taraf se Aparijita ki motorcycle hawa me aati dikhayi di. Usne hawa me uthe motorcycle se hi jeep ke agle pahiye par goli chala di. Aparijita ka nissan sahi baitha aur ek dhamake ke saath Jeep ka agla pahiya burst ho gaya. Jagga ne chaha ki Jeep sambhal le par wo lahrati hui pool se takrayi.


Jeep pool par buri tarah se phansi hui thi. Uska ugla dahina pahiya burst ho gaya tha aur baya pool ke railing ko torte hue bahar jhul raha tha. Jeep pool me aari teerchi hokar phasi hui thi. Jeep ka aage ka sisa gayab ho chuka tha aur driver ki taraf wala darwaja anatho ki tarah ukhara zameen par para tha.


Abhi Jagga aur uske sathi puri tarah se jhatake se ubare bhi nahi the ki Japu aur Aparijita ki goliyo ne unki khair – khabar leni suru kar di.


Jagga aur Kallo jaldi se driver ki taraf wali seat se bahar nikale aur bhagne ki kosis karne lage. Par Japu aur Aparijita ki chalayi jaa rahi golyino ne unhe jeep ke aar me chhipane ko majboor kar diya. Kallo ka bhai abhi tak jeep ke andar se hi goli chala raha tha. Uske taraf ka darwaja takkar se jaam ho chuka tha. Usne do baar uth kar aage ki seat ki tarf aane ki kosis ki par dono baar do goliya uske kaano ko hawa deti hui gujar gayi.


Jagga aur uske sathiyo par dahine aur baaye dono taraf se goliya chal rahi thi. Aparijita dheere dheere jeep ki aur badh rahi thi. Jeep rah rah kar hil rahi thi aur lagne lagta ki wo nahar me girne wali hai. Kallo apne bhai ko gaaliya dete hue kah raha tha ki iss se pahle Jeep nahar me gire wo waha se nikal jaye.


Idhar Jeep me phasa Kallo ka bhai Aparijita ko Jeep ki taraf badhta dekh bokhala gaya. Usne apne baaye taraf ke darwaje ko try kiya to wo khul gaya . Wo harbara kar utara aur chakkar laga ke jeep ke peeche se nikal kar Jagga ki taraf bhaga.


Abhi wo jeep ke pecche pahuncha hi tha ki Japu ki chalyi ek goli uske pair me jaa ghusi. Abhi uske munh se aah bhi nahi nikali thi ki Aparijita ki chalayi goli uske gardan me ghus gayi aur wo wahi gir para.


“Bhaiya ! Hamra bacha laa !” Wo Kallo se rote hue kaha jo ki uska bara bhai tha .


Idhar Japu per ke peeche se nikal kar jeep ki taraf bhaga aur pool ke bilkul sidhe aake khet me gus ke ek pathaar ke aar se goliya chalane laga. Aparijita abhi bhi pool se thori dur thi. Gopu aur Dinesh bhi thori door par hanfte hue pahunch gaye the aur unke kaano me goliyo ki awaaz aa rahi thi. Kuchh hi palo me use Aparijita aur Japu badmaaso se larte dikhayi diye par baaki log kahi nahi dikh rahe the.


“Dinesh ! Madam aur Japu badmasso se bhire hai ; baaki log kisi vajah se saath nahi dikh rahe hai. Hume aur teji dikhani paregi. ” Gopu ne Dinesh ka haath pakar ke khichta hua kaha.


Pool ke dusri taraf gaun ka ek naujawan motorcycle se aa raha tha jo ki agle kuchh minutes me pool par pahunchane hi wala tha.


Larke ne mobile par full volume me ek English song laga rakha tha. Wo larka kisi call center me job dhundh raha tha par uski angreji jaroorat se jayada garib thi. Kisi ne use English gaane sunane , Hollywood ki movie dekhne, English news sunane aur dekhne ki salah di thi. Uske baad se ab wo har waqt kaan me earphone lagaye English gaane sunta rahta tha.


Idhar Kallo apne bhai ke paas rengta hua pahuncha.


“Tu ghabra na, munna !! Hum tuhara bacha leb.” Wo apne bhai ko santawna de raha tha. Wo use khich ke Jagga ki taraf laane ki kosis kar raha tha. Jeep iss tarah phasi thi ki sirf reng kar hi uske dusre paar tak pahuncha jaa sakta tha.


Idhar Gopu ab Japu ke paas pahunchane hi wala tha. Usne dekha ki Suresh ek per ke niche bekhabar leta hua hai. Gopu aur Dinesh goliya chalate Japu ki help karne uski taraf bhage.


Idhar Jagga aur Kallo 2 aur policewalo ko aate dekh kar bhokhala gaye. Tabhi zakhmi Kallo ke bhai ne apna dam tor diya. Kallo gusse me pagal ho kar Japu ki taraf daurna hi chahta tha ki Jagga ne use haath pakar ke kheech liya.


“Saale , marne jaa raha hai. Pahle hi 3 policeye the aur ab wo 5 ho jayenge. Yaha se nikalne ki kosis kar. Hum inse baad me gin-gin kar badla lenge. Ek baar wo dono police wale inse mil gaye to hum yaha se kabhi nahi nikal payenge. Jeep se raasta band hai ; isliye wo paidal hi idhar aa sakte hai aur aage kuchh der baad jungle suru ho jaata hai. Ekbaar hum jungle me ghus gaye to phir inke haanth nahi aayenge. “ Jagga ne Kallo ko samjhate hue kaha.


“Japu bhai , daten rahu !! Hum aa gaye hai. ” Dinesh ne dur se hi hank lagayi. Gopu aur Dinesh ne hawa me goli chala kar badmaso ko dhamkya ki wo bhi hatiyarband hain.


will continue -->
______________________________
[My story] Sarfarosh
पोंछ कर अश्क़ अपनी आँखों से, मुस्कुराओ तो कोई बात बने ! सर झुकाने से कुछ नहीं होगा, सर उठाओ तो कोई बात बने !!
भेदभाव अपने दिल से, साफ़ कर सके| दोस्तों से भूल हो तो, माफ़ कर सकें|| हम को मन की शक्ति देना, मन विजय करें| दूसरों की जय से पहले, खुद को जय करें ||
खुसरो दरिया प्रेम का, उल्टी वा की धार। जो उतरा सो डूब गया, जो डूबा सो पार।। A drop of honey catches more flies than a gallon of gall. ~ Lincoln

Reply With Quote
Have you seen the announcement yet?
Page generated in 0.01647 seconds