Aiseesoft Screen Recorder 1 1 32 Multilingual
Stormborn season 07 episode 02
Thread: Sarfarosh (Hindi)
View Single Post
  #194  
Old 23rd September 2014
xxxdev's Avatar
I Love Mother Nature!
Visit my website
 
Join Date: 6th June 2009
Location: India
Posts: 37,477
Rep Power: 159 Points: 121418
xxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps databasexxxdev has hacked the reps database
Update 13

Ab tak aapne padha
Aparijita chahti to groups khud bhi bana sakti thi par wo apne team ke har sadasya ko uska importance dikhane ka mauka dena chahti thi. Planning me active role nahi milne se kai baar team members dil se plan me active nahi hote hai aur uska parinaam kai baar plan fail hone se hota hai.

Ab aage ...

Uske baad Aparijita ne kafi der tak unse inhi visayo par baat kart rahi. Uske baad Aparijita apne quarter me chali gayi aur Ghanshyam aur Harilal plan ke mutabik kaam karne ke liye baki staff ko samjhane lage aur kamro ke kaam ka intejam me lag gaye.


Harilal ne apne local contacts se dopahar me hi kamro ke sara saman manga liya aur 4 bajte bajte kuchh mazdoor aur rajmistri bhi le aaya jinhone aate hi kaam suru kar diya. Saam ko Aparijita ne phir dono ke saath meeting ki aur ho rahi gatividhiyo ke baare me puchh-taachh ki. Usne mazdooru aur msitriyo ko 10 baje jane ko kahne ke liye Harilal ko kah diya taki wo kal se subah se hi kaam me lag sake. Use pata tha ki jab mehantama time par mil jaaye to mazdoor kal khud se daure aayenge.


Usi dauran Harilal Gopu ke kitchen se chai bana laya. Chai peete hue Aparijita unhe apne laptop par kucch sansanikhej police cases ke baare me batane lagi. Saam 7 baje tak gaariya bhi theek ho kar aa gayi. Gaariyo ka test drive liya gaya aur santoost hone ke baad raat me motorcycle par random round maarne ki baat bata di gayi. Raat ke round me vardi ke saath jane ki hidayat thi. Sabhi ko bata diya gaya ki apne niji vahano se police sabd hata len. Ghanshyam aur Harilal ne Aparijita ke quarter ke picchle darwaje ke paas ke ek hisse ko asthayi(temporary) office ka sakal de diya. Ye tai hua ki jab tak kamro ka kaam complete nahi ho jata tab tak Aparijita, Gopu, Japu yehi kaam karenge.


Aaj saara din Aparijita ne meeting ke aalaba police headquarters ke online files aur Sarfarosh ke files me se ilake ke baare me jaankari ikkatha karti rahi. Kal bhi usne kuchh satahi taur par check kiya tha par kal ka jayadatar samay wo thane ke case history hi dekhti rahi thi aur uska kafi samay ek ek bande se baat karne me gaya tha. Aparijita ko yeh pahle se pata tha ki yaha ka staff ek dusre ke taang khichne me nahi laga hai ; islye yaha unko ek team ke roop me aasani se badla jaa sakta tha. Abhi wo ek dusre ko pasand karte the aur help karte the aur issi ko ek level upar lakar unhe a mazboot team me badlana tha.


Yeh thana Police department me shunting thana ke roop me badnaam tha aur koi yaha aana nahi chahta tha ; isliye yaha bade adhikariyo ka aana-jaana bhi kam hota tha. Unhe pata tha ki yaha se koi rakam ki bhent unhe nahi milni wali. Iske alawa thane me report likhane na ke barabar log aate the. In sabke karan yaha ka staff semi-retirement type ka life jee raha tha. Aparijita ko unhe phir se active karna tha.


Police files me jayada kucch nahi tha ;jis se yeh pata chal raha tha ki state police ko yaha kuchh bhi sandingdh nahi dikh raha tha. Aparijita ko yaha ke local source aur Sarfarosh ke dusre agents se hi kaam lena tha. Thane me kisi ko nahi pata tha ki teeno gaariyo me GPS tracking device laga diya gaya tha. Service center gaye constables ko acharya hua tha ki saare kaam chhor kar inki gaariya pahle theek ki gayi. Yeh service station kucch mahine pahle hi khola gaya tha jo sarfarosh ke ek agent Arvind dwara chalaya ja raha tha aur ilake ke baare me report Sarfarosh ke office me bheji jaa rahi thi. Aparijita files me khoyi hui thi aur lagatar laptop par notes banaye jaa rahi thi . Use pata hi nahi chala ki kab raat ke 10 baj gaye uska dhyan Gopu ke aane se tuta.


"Madam ! Main to aap se kahne aaya tha ki kucch gaane cd se mere mobile me daal den. Par main yeh kaya dekh raha hoon; aapne ne abhi tak change bhi nahi kiya hai. Iska matlab ke aapne abhi tak khana bhi nahi banaya hai. Madam ; yeh to theek nahi hai. Eise to aap apni tabiyat kharab kar lengi." Gopu ke awaz me jo bhaab tha wo kisi mathat ki tarah na ho kar ek dost ka dusre dost ke liye bala tha.


"Chaliye chaliye ; Ab ye sab band karke change karke aaiye . Aaj aap mere haath ka khana kha kar dekhiye." Yeh kah kar Gopu ne laptop par eise haath rakha jaise use band karna chahta ho.


"Achha baba ! Band karti hoon." Aparijita ne muskurate hue kaha.


"Madam ! Aaj mai aapko eisa dish khilayunga ; jo aapne aaj tak nahi khaya hoga. Aap aadhe ghante me fresh ho kar garden me mileye. Aaj humlog phulo ke beech diner karenge."


Aadhe ghante baad Aparijita pazama suit pahne garden me pahunchi. Gopu ne ek dari bichha rakhi thi jis par paas rakhe table lamp se rosni aa rahi thi. Dari ke upar akhbar bichha tha jis par plates ulat kar rakhi thi ; par Gopu nahi dikh raha tha. Kuchh hi palo me Gopu haantho me bartan leke aaya. Aparijita ne uski help karni chahi to usne mana kar diya ki bas itna hi hai.


Uske baad Gopu plates me dinner lagane laga. Kahne se desi ghee ki khusbu aa rahi thi . Plates me gol gol ghee se dube kuchh bade gole se dikh rahe the . Isse Aparijita ne jindgi me pahli baar dekha tha. Uske baad Gopu ne jo rakha ; usse to dekhte hi pahchan gayi ki wo baigan ka bharta tha. Saath me chatni aur mich bhi the. Aparijita ne unhe chho kar dekha to paya ki wo gol bale dish thore shakht hain. Aparijiita ko aascharya se dekhta pakar Gopu hansa aur phir batane laga.


"Madam ! Ye dish mene yaha ki ek bahan se sikhi hai jo Bihar ki hain. Isse wo log Litti kahte hain. Aap ek baar kha kar dekhiye ; uske baad aap hi phir kisi din phir se banane ko kahengi. Main iske liye kai dino se saman juta raha tha."


Aparijita ko ye naya dish accha laga. Khate hue wo isse kaise banate hai uspar baaten karne lage. Manovigyan ki acchi samajh rakhne wali Aparijita yeh acche se jaanti thi ki kisi bhi insaan se agar uske pasand ke topic par baat ki jayi to wo insaan ghanto baat kar skata hai bajaye ki us se aap apni pasand par baat karo. Halaki yeh ek sadharan si baat hai par log iss par dhyan nahi dete .



Gopu ek bar phir purane roop me aane laga tha. Wo to iss nayi madam ka fan hota ja raha tha. Yeh madam ko gaano ke baare me bhi kitna pata tha aur saath me jab wo tarif bhi karti hai to lagta nahi tha ki wo dil rkhne ki baat kar rahi ho balki baat dil se aati mahsoos hoti thi. Aparijita ka manana tha ki tarif hamesa dil se honi chahiye nahi to saamne wale ko pata chal sakta hai . Wo jab bhi kisi ki kisi gun ke liye tarif karti to use aur encourage karti ki wo us par aur baaten kare .


Kal raat Aparijita ke jaane ke baad Gopu use bister par kaise laya jaye uspar soch raha tha par aaj Gopu ne usme apna dost paa liya tha ki jis se dil ki baaten ki ja sake. Aaj uske dil me wiasi koi bhavna nahi thi ; wo to bahut dino baad ek accha dost pakar khush tha. Uski jubaan band hone ka naam hi nahi le rahi thi. Wo use apne bacpan se ab tak ki kahani bata raha tha. In baato me kab raat ke 1 baj gaye pata hi nahi chala.


Ab Aparijita ko Gopu ke baare me Thane ke kisi bhi staff se jayada pata tha . Sone jaane se pahle Aparijita ne Gopu ko bataya ki use Aparijita ke saath kal subah 6.30 baje nikalna hai .


will continue -->
______________________________
[My story] Sarfarosh
पोंछ कर अश्क़ अपनी आँखों से, मुस्कुराओ तो कोई बात बने ! सर झुकाने से कुछ नहीं होगा, सर उठाओ तो कोई बात बने !!
भेदभाव अपने दिल से, साफ़ कर सके| दोस्तों से भूल हो तो, माफ़ कर सकें|| हम को मन की शक्ति देना, मन विजय करें| दूसरों की जय से पहले, खुद को जय करें ||
खुसरो दरिया प्रेम का, उल्टी वा की धार। जो उतरा सो डूब गया, जो डूबा सो पार।। A drop of honey catches more flies than a gallon of gall. ~ Lincoln

Reply With Quote
Have you seen the announcement yet?
Page generated in 0.01572 seconds